പാലക്കാട്: താന്‍ രാഹുല്‍ മാങ്കൂട്ടത്തിലിന്റെ പി.എ അല്ലെന്ന് വി.കെ.ശ്രീകണ്ഠന്‍ എംപി. ലൈംഗിക പീഡനക്കേസില്‍കുറ്റാരോപിതനായ രാഹുല്‍ മാങ്കൂട്ടത്തില്‍ എം.എല്‍.എ എവിടെ എന്ന ചോദ്യത്തിനാണ് അദ്ദേഹത്തിന്റെ ഈ മറുപടി.  

കോണ്‍ഗ്രസിന്റെ ഔദ്യോഗിക പരിപാടികളിലൊന്നും സസ്പെന്‍ഷന് ശേഷം രാഹുല്‍ പങ്കെടുത്തിട്ടില്ലെന്നും ഇദ്ദേഹം ചൂണ്ടിക്കാട്ടി. തെരഞ്ഞെടുപ്പ് പ്രചാരണത്തില്‍ രാഹുല്‍ പങ്കെടുക്കുന്നത് അദ്ദേഹത്തിന്റെ സ്വന്തം താത്പര്യപ്രകാരമാണെന്നും  എംപി കൂട്ടിച്ചേര്‍ത്തു. 

രാഹുലിനെതിരെ ആരോപണം ഉയര്‍ന്ന ഉടന്‍ പാര്‍ട്ടി ശക്തമായ നടപടി സ്വീകരിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി. 
 'വിവാദമുണ്ടായപ്പോള്‍ കോണ്‍ഗ്രസ് ശക്തമായ നടപടി സ്വീകരിച്ചു. ശബരിമല സ്വര്‍ണക്കടത്ത് കേസില്‍ ഒരു മുന്‍ എം.എല്‍.എ ജയിലിലാണ്. എന്തെങ്കിലും നടപടി സി.പി.എം എടുത്തോ' എന്നും ശ്രീകണ്ഠന്‍ ചോദിച്ചു.

ALSO READ: രാഹുൽ മാങ്കൂട്ടത്തിൽ എംഎൽഎക്കെതിരായ ലൈംഗിക പീഡന പരാതി; നിർബന്ധിത ഗർഭഛിദ്രം ഡോക്ടറുടെ സഹായമില്ലാതെ; മരുന്ന് എത്തിച്ചത് സുഹൃത്ത് വഴി

ഇപ്പോള്‍ പരാതി വന്ന സ്ഥിതിക്ക് വസ്തുത എന്താണെന്ന് പൊലിസ് കണ്ടെത്തട്ടെ. ഇവിടെ ഒരു നിയമവ്യവസ്ഥയുണ്ട്. കോടതിയാണ് അന്തിമമായി തീരുമാനിക്കേണ്ടത്- അദ്ദേഹം ചൂണ്ടിക്കാട്ടി. 

തെരഞ്ഞെടുപ്പ് പ്രചാരണങ്ങളില്‍ രാഹുല്‍ സജീവമായി ഇറങ്ങാന്‍ തുടങ്ങിയതിന് പിന്നാലെയാണ് വീണ്ടും വിവാദം ഉയര്‍ന്നത്. ഗുരുതരമായ ആരോപണങ്ങളാണ് പരാതിയുമായെത്തിയ രാഹുലിനെതിരെ യുവതി ഉന്നയിച്ചിരിക്കുന്നത്. പരാതി ഉയര്‍ന്നതിന് പിന്നാലെ രാഹുലും അപ്രത്യക്ഷനായി. 

'ജനപ്രതിനിധിയായിരിക്കുന്ന ആളാണ് രാഹുല്‍. എന്നിട്ടും സസ്പെന്‍ഷന് ശേഷം രാഹുല്‍ മാങ്കൂട്ടത്തില്‍ കോണ്‍ഗ്രസിന്റെ ഒരു ഔദ്യോഗിക പരിപാടിയിലും പങ്കെടുത്തിട്ടില്ല. സ്വന്തമായ നിലക്ക് അയാള്‍ പ്രചാരണം നടത്തുന്നത് വ്യക്തിപരമായ കാര്യമാണ്'  രാഹുല്‍ പ്രചാരണ പരിപാടികളില്‍ നിന്ന് പെട്ടെന്ന് വിട്ടുനിന്ന കാര്യം ചൂണ്ടിക്കാട്ടിയ മാധ്യമപ്രവര്‍ത്തകരോട് എം.പി പറഞ്ഞു.  

when media asked about rahul gandhi’s whereabouts, congress mp vk sreekandan replied that he is not the personal assistant of rahul gandhi, creating a notable moment in political interactions.