ദുബൈ: അൽ ഖുസൈസ് പൊലിസ് സ്റ്റേഷൻ പരിധിയിൽ ഒരാളെ മരിച്ച നിലയിൽ കണ്ടെത്തി. മരിച്ചതാരാണെന്ന് ഇതുവരെ വ്യക്തമല്ല. ഈ സാഹചര്യത്തിൽ ഇയാളെ തിരിച്ചറിയാൻ പൊതുജനങ്ങളുടെ സഹായം തേടിയിരിക്കുകയാണ് ദുബൈ പൊലിസ്. മരിച്ചയാളെക്കുറിച്ച് എന്തെങ്കിലും വിവരങ്ങൾ നൽകാൻ സാധിക്കുന്നവർ പൊലിസുമായി ബന്ധപ്പെടണമെന്ന് അധികൃതർ അറിയിച്ചു.

ഇയാളുടെ കൈവശം തിരിച്ചറിയൽ രേഖകളൊന്നും ഉണ്ടായിരുന്നില്ല. കൂടാതെ, ഇദ്ദേഹത്തെ കാണാനില്ലെന്ന തരത്തിൽ ആരും പൊലിസിൽ പരാതി നൽകിയിട്ടുമില്ല.

ALSO READ: സഊദിയിലെ 6000-ൽ അധികം കേന്ദ്രങ്ങളിൽ പരിശോധന; 1,300-ൽ അധികം സ്ഥാപനങ്ങൾ അടച്ചുപൂട്ടി

മൃതദേഹം നിലവിൽ ജനറൽ ഡിപ്പാർട്ട്‌മെന്റ് ഓഫ് ഫോറൻസിക് സയൻസ് ആൻഡ് ക്രിമിനോളജിയിലെ ഫോറൻസിക് വിഭാഗത്തിലേക്ക് മാറ്റി. മരണകാരണം കണ്ടെത്താനുള്ള പരിശോധനകൾ നടക്കുകയാണ്.

മരിച്ചയാളെക്കുറിച്ച് എന്തെങ്കിലും വിവരം ലഭിക്കുകയോ ഇദ്ദേഹത്തെ തിരിച്ചറിയുകയോ ചെയ്യുന്നവർ ഉടൻ തന്നെ ദുബൈ പൊലിസുമായി ബന്ധപ്പെടണമെന്ന് അൽ ഖുസൈസ് പൊലിസ് സ്റ്റേഷൻ അറിയിച്ചു.

വിവരം അറിയിക്കേണ്ട നമ്പറുകൾ:

ദുബൈ പൊലിസ് കോൾ സെന്റർ: 901

ദുബൈക്ക് പുറത്ത് നിന്നുള്ളവർ വിളിക്കേണ്ട നമ്പർ: 04 901

The Dubai Police are appealing to the public for assistance in identifying a man found dead within the jurisdiction of Al Qusais Police Station. The deceased was not carrying any identification documents, and authorities are urging anyone with information to come forward and contact the Dubai Police Call Centre at 901 or +971 4 901 if calling from outside Dubai.