ലഖ്‌നൗ: പുള്ളിപ്പുലിയെ പിടികൂടാൻ വനംവകുപ്പ് സ്ഥാപിച്ച കൂട്ടിൽ ഇരയായി കെട്ടിയ ആടിനൊപ്പം യുവാവ് കുടുങ്ങി. ഉത്തർപ്രദേശിലെ ബഹ്‌റൈച്ച് ജില്ലയിലാണ് വനംവകുപ്പ് ഉദ്യോഗസ്ഥരെപ്പോലും അമ്പരപ്പിച്ച ഈ സംഭവം. വ്യാഴാഴ്ച രാത്രി നടന്ന സംഭവത്തിന്റെ വീഡിയോ ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ വൈറലായിക്കൊണ്ടിരിക്കുകയാണ്.

ALSO READ: ബാങ്കിൽ പോയി മടങ്ങും വഴി കവർ കീറി പേഴ്‌സ് റോഡിൽ; കളഞ്ഞുകിട്ടിയ 4.5 ലക്ഷം രൂപയുടെ സ്വർണം തിരികെ ഉടമസ്ഥയുടെ കൈകളിലേക്ക്

കതർനിയാഘട്ട് വന്യജീവി സങ്കേതത്തിന്റെ അതിർത്തിയിലുള്ള ഒരു ഗ്രാമത്തിലാണ് സംഭവങ്ങളുടെ തുടക്കം. ബുധനാഴ്ച പുള്ളിപ്പുലിയുടെ ആക്രമണത്തിൽ 55 വയസ്സുള്ള ശാന്തി ദേവി കൊല്ലപ്പെട്ടതിനെ തുടർന്നാണ് അധികൃതർ കെണി സ്ഥാപിച്ചത്. പുലിയെ ആകർഷിക്കാൻ ഒരു ആടിനെ കൂടിനുള്ളിൽ ഇരയായി കെട്ടിയിട്ടിരുന്നു.

ALSO READ: മനുഷ്യശരീരത്തിന് പകരം പ്ലാസ്റ്റിക് ഡമ്മി; ഇൻഷുറൻസ് തുക തട്ടിയെടുക്കാൻ 'വ്യാജ ശവദാഹം' നടത്തിയ രണ്ടു പേർ അറസ്റ്റിൽ

എന്നാൽ, അതേ ഗ്രാമത്തിലെ പ്രദീപ് എന്ന യുവാവാണ് കെണിയിൽ കുടുങ്ങിയത്. റിപ്പോർട്ടുകൾ പ്രകാരം, മദ്യലഹരിയിലായിരുന്ന പ്രദീപ് കൂട്ടിൽ കയറിയ ഉടൻ തന്നെ ഓട്ടോമാറ്റിക് വാതിൽ അടയുകയായിരുന്നു. ഇതോടെ യുവാവ് അകത്തായി. യുവാവ് എന്തിനാണ് കൂട്ടിൽ കയറിയതെന്നതിനെക്കുറിച്ച് പല ഊഹാപോഹങ്ങളും പ്രചരിക്കുന്നുണ്ട്. കെട്ടിയിട്ട ആടിനെ മോഷ്ടിക്കാനായി ഇയാൾ കൂട്ടിൽ പ്രവേശിച്ചതാകാമെന്നാണ് വനംവകുപ്പ് ഉദ്യോഗസ്ഥർ സംശയിക്കുന്നത്. "കൂടിന്റെ പ്രവർത്തനങ്ങൾ എങ്ങനെയാണെന്ന് അറിയാനായി അകത്ത് കയറി നോക്കിയതാണെന്നാണ് പ്രദീപിന്റെ വിശദീകരണം. അപ്പോഴാണ് വാതിൽ അടഞ്ഞുപോയതും ഞാൻ കുടുങ്ങിയതും," യുവാവ് വനംവകുപ്പ് ഉദ്യോഗസ്ഥരോട് പറഞ്ഞു.

ALSO READ: മെഡിക്കൽ കോളേജ് ക്യാമ്പസിൽ തെരുവ് നായ ഭീഷണി; 'ഭക്ഷണം നൽകിയാൽ പുറത്താക്കും' കർശന മുന്നറിയിപ്പുമായി പ്രിൻസിപ്പൽ; എതിർത്ത് എംഎൽഎ 

കൂട്ടിൽ കുടുങ്ങിയെന്ന് മനസ്സിലാക്കിയ പ്രദീപ് സഹായത്തിനായി നിലവിളിക്കുകയും മൊബൈൽ ഫോൺ ഉപയോഗിച്ച് ഗ്രാമവാസികളെ വിവരം അറിയിക്കുകയും ചെയ്തു. തുടർന്ന് ഗ്രാമത്തലവൻ വനംവകുപ്പ് ഉദ്യോഗസ്ഥരെ വിവരം അറിയിച്ചു. ഉദ്യോഗസ്ഥരെത്തി, ഏകദേശം രണ്ട് മണിക്കൂറോളം പരിശ്രമിച്ച ശേഷമാണ് യുവാവിനെ കൂട്ടിൽ നിന്ന് മോചിപ്പിച്ചത്. പുള്ളിപ്പുലിക്കായി കാത്തിരുന്ന കൂട്ടിൽ മനുഷ്യൻ അകപ്പെട്ട ഈ സംഭവം പ്രദേശവാസികൾക്കിടയിലും വനംവകുപ്പ് ഉദ്യോഗസ്ഥർക്കിടയിലും ഒരുപോലെ ചിരിയും അമ്പരപ്പും ഉണർത്തിയിട്ടുണ്ട്.

A man, reportedly intoxicated, got trapped inside a cage meant to capture a leopard in Uttar Pradesh's Bahraich district. The trap, which contained a goat as bait, had been set up by forest officials after a recent leopard attack. The man, identified as Pradeep, claimed he entered the cage out of curiosity to see how it worked, whereupon the automatic door shut, leaving him stuck with the goat. He was eventually rescued by forest officials after two hours, following an alert from villagers.