തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പുമായി ബന്ധപ്പെട്ട് സ്വകാര്യ സ്ഥാപനങ്ങളിലെ ജീവനക്കാർക്ക് വോട്ടെടുപ്പ് ദിവസം വേതനത്തോടുകൂടിയ അവധി അനുവദിക്കാൻ സംസ്ഥാന തിരഞ്ഞെടുപ്പ് കമ്മിഷൻ ഉത്തരവിറക്കി. വാണിജ്യ, വ്യാപാര, വ്യവസായ സ്ഥാപനങ്ങളിൽ ജോലി ചെയ്യുന്നവർക്ക് വോട്ട് രേഖപ്പെടുത്തുന്നതിനാണ് ഈ അവധി.

അവധിയെടുത്ത ജീവനക്കാരുടെ വേതനം ഒരു കാരണവശാലും നിഷേധിക്കരുതെന്നും ഉത്തരവിൽ തിരഞ്ഞെടുപ്പ് കമ്മിഷൻ കർശനമായി നിർദ്ദേശിച്ചിട്ടുണ്ട്. കൂടാതെ, സ്വന്തം ജില്ലയ്ക്ക് പുറത്ത് ജോലി ചെയ്യുന്നവർക്ക് വോട്ട് ചെയ്യുന്നതിനായി പ്രത്യേക അനുമതി നൽകണമെന്നും കമ്മിഷൻ അറിയിച്ചു.

തിരഞ്ഞെടുപ്പ് തീയതികൾ

സംസ്ഥാനത്ത് രണ്ട് ഘട്ടങ്ങളിലായാണ് ഇത്തവണ തദ്ദേശ തിരഞ്ഞെടുപ്പ് നടക്കുന്നത്. ഡിസംബർ 9 നാണ് ഒന്നാം ഘട്ടം തിരഞ്ഞെടുപ്പ്  തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലായി നടക്കുന്നത്. ഡിസംബർ 11 തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലായി രണ്ടാം ഘട്ടം തിരഞ്ഞെടുപ്പും നടക്കും. ഡിസംബർ 13 ആയിരിക്കും വോട്ടെണ്ണൽ. തദ്ദേശ തിരഞ്ഞെടുപ്പിന്റെ പശ്ചാത്തലത്തിൽ സംസ്ഥാനത്ത് 'ഡ്രൈ ഡേ' പ്രഖ്യാപിച്ചുകൊണ്ടുള്ള ഉത്തരവും തിരഞ്ഞെടുപ്പ് കമ്മിഷൻ നേരത്തെ പുറത്തിറക്കിയിരുന്നു.

തെക്കൻ ജില്ലകളിൽ: ഡിസംബർ 7ന് വൈകീട്ട് 6 മണി മുതൽ 9 ന് വൈകുന്നേരം 6 മണി വരെ.

വടക്കൻ ജില്ലകളിൽ: ഡിസംബർ 9ന് വൈകുന്നേരം 6 മണി മുതൽ 11ന് വൈകുന്നേരം 6 മണി വരെ.

വോട്ടെണ്ണൽ ദിനം: ഡിസംബർ 13ന് സംസ്ഥാനത്ത് പൂർണ്ണമായും ഡ്രൈ ഡേ ആയിരിക്കും. 

ഇത്തവണത്തെ തദ്ദേശ തിരഞ്ഞെടുപ്പിൽ ആകെ 75,644 സ്ഥാനാർഥികളാണ് ജനവിധി തേടുന്നത്. ഇതിൽ 39,609 വനിതാ സ്ഥാനാർഥികളും 36,034 പുരുഷ സ്ഥാനാർഥികളുമുണ്ട്.

പ്രധാന വിവരങ്ങൾ ഒറ്റനോട്ടത്തിൽ:

ആകെ സ്ഥാനാർഥികൾ: 75,644

വനിതാ സ്ഥാനാർഥികൾ: 39,609

പുരുഷ സ്ഥാനാർഥികൾ: 36,034

സംസ്ഥാനത്ത് പുരുഷന്മാരെക്കാൾ കൂടുതൽ വനിതാ സ്ഥാനാർഥികളാണ് (3,575 പേർ അധികം) മത്സരിക്കുന്നത്. ട്രാൻസ്‌ജെൻഡർ വിഭാഗത്തിൽ നിന്നുള്ള ഒരേയൊരു സ്ഥാനാർഥി തിരുവനന്തപുരം ജില്ലയിൽ നിന്നും മത്സരിക്കുന്നുണ്ട്.

The State Election Commission has issued an order mandating paid leave for all employees of private commercial, trade, and industrial establishments on the day of the local body elections. This decision ensures that all eligible private sector workers can exercise their franchise without any deduction from their wages. The order also specifies that employers must grant special permission for employees working outside their home district to travel and vote. The local body polls are scheduled in two phases on December 9 and 11, followed by the counting of votes on December 13.