ദുബൈ: 54-ാമത് ദേശീയ ദിനാഘോഷങ്ങളോടനുബന്ധിച്ച്, തങ്ങളുടെ ഉപയോക്താക്കൾക്കായി ആകർഷകമായ ഓഫറുകൾ പ്രഖ്യാപിച്ച് രാജ്യത്തെ പ്രമുഖ ടെലികോം സേവനദാതാക്കളായ du. ദേശീയ ദിന അവധി ദിനങ്ങളിൽ ഉപയോക്താക്കൾക്ക് കുടുംബാംഗങ്ങളുമായും സുഹൃത്തുക്കളുമായും കൂടുതൽ ബന്ധം നിലനിർത്താൻ സഹായിക്കുന്ന രീതിയിലാണ് ഈ പ്രഖ്യാപനം.

ALSO READ: നികുതി നിയമങ്ങളിൽ സുപ്രധാന മാറ്റങ്ങൾ വരുത്തി യുഎഇ; ഭേദ​ഗതികൾ 2026 ജനുവരി മുതൽ പ്രാബല്യത്തിൽ 

പോസ്റ്റ്-പെയ്ഡ് ഉപയോക്താക്കൾക്ക് 54GB സൗജന്യ ഡാറ്റ

du-വിന്റെ പോസ്റ്റ്-പെയ്ഡ് ഉപയോക്താക്കൾക്ക് അവരുടെ ഡാറ്റാ ഉപയോഗം വർദ്ധിപ്പിക്കാൻ സഹായിക്കുന്ന ബോണസ് ഓഫറാണ് കമ്പനി പ്രഖ്യാപിച്ചിരിക്കുന്നത്.

പോസ്റ്റ്-പെയ്ഡ് പ്ലാനുകൾ ഉപയോഗിക്കുന്നവർക്ക് ഡിസംബർ 6-ന് മുമ്പായി ഫ്ലെക്സി ഇയർലി (Flexi Yearly) പ്ലാനിലേക്ക് മാറുകയാണെങ്കിൽ സൗജന്യ ഡാറ്റ ലഭിക്കും. ഇവർക്ക് 54GB സൗജന്യ ഡാറ്റയാണ് du വാഗ്ദാനം ചെയ്യുന്നത്.  ഫ്ലെക്സി വാർഷിക പ്ലാൻ ആക്ടീവാക്കിയ ശേഷം 30 ദിവസത്തിനുള്ളിൽ du ആപ്പ് വഴി സൗജന്യ 54GB ഡാറ്റ ക്ലെയിം ചെയ്യാം. ഈ ഡാറ്റ 12 മാസത്തേക്ക് ഉപയോക്താക്കൾക്ക് ഉപയോഗിക്കാനാകും.

ഓഫർ വിശദീകരിച്ചുകൊണ്ട്, തങ്ങൾക്ക് ഇന്ന് സന്ദേശം ലഭിച്ചതായി ചില du ഉപഭോക്താക്കൾ അറിയിച്ചു. 

ALSO READ: ഡൈനോസറും ഫാന്റസിയും ഒന്നിക്കുന്ന വര്‍ണങ്ങളുടെ മായാലോകവുമായി ദുബൈ ഗാര്‍ഡന്‍ ഗ്ലോ സീസണ്‍ 11 ന് തുടക്കം 

ഇമാറാത്തി ഫാമിലി പ്ലാനിൽ 54% കിഴിവ്

ഡാറ്റാ ഓഫറിന് പുറമെ, du മറ്റൊരു ആകർഷകമായ പ്ലാനിലും കിഴിവ് പ്രഖ്യാപിച്ചിട്ടുണ്ട്. ഇമാറാത്തി ഫാമിലി പ്ലാനിൽ ചേരുന്നവർക്ക് മൂന്ന് മാസത്തേക്ക് 54 ശതമാനം കിഴിവ് ലഭിക്കും. ഈ അവസരം ഡിസംബർ 1-നും ഡിസംബർ 3-നും ഇടയിൽ ഉപയോക്താക്കൾക്ക് ആക്ടീവാക്കാം.

"ഈദുൽ ഇത്തിഹാദ് ഓഫറിലൂടെ, നിങ്ങളുടെ ആദ്യ ലൈനിൽ തുടർച്ചയായി ആദ്യത്തെ 3 മാസത്തേക്ക് നിങ്ങളുടെ ഇമാറാത്തി ഫാമിലി പ്ലാൻ ബില്ലുകളിൽ 54 ശതമാനം കിഴിവ് ലഭിക്കും," du അധികൃതർ വിശദീകരിച്ചു.

ദേശീയ ദിനത്തോടനുബന്ധിച്ച് കൂടുതൽ ഉപയോക്താക്കളെ ല​ക്ഷ്യമിട്ടാണ് du മികച്ച ഓഫറുകൾ പ്രഖ്യാപിച്ചിരിക്കുന്നത്.

du has launched a major national day offer providing users with 54gb of free data along with several additional benefits. the telecom company aims to enhance customer experience during the national day celebrations.