‌അബൂദബി: യുഎഇയുടെ 54-ാം ദേശീയദിനത്തിന്റെ ഭാ​ഗമായി (ഈദ് അൽ ഇത്തിഹാദ്) ഭാഗമായി, ഡിസംബർ 2 ചൊവ്വാഴ്ച രാവിലെ 11 മണിക്ക് രാജ്യത്തെ എല്ലാവരും ഒരേ സമയം ദേശീയ ഗാനം ആലപിക്കണം. യുഎഇ പൗരന്മാർ, പ്രവാസികൾ, സന്ദർശകർ തുടങ്ങി ഏഴ് എമിറേറ്റുകളിലുമുള്ള എല്ലാവരോടും ഈ പരിപാടിയിൽ പങ്കെടുക്കാൻ ആഹ്വാനം ചെയ്തിട്ടുണ്ട്.

'ഇഷി ബിലാദി' (Ishy Bilady) എന്ന യുഎഇ ദേശീയ ഗാനം ഒരേ മനസ്സോടെ ആലപിക്കുന്നത്, ഈദ് അൽ ഇത്തിഹാദ്, ദിനത്തിൽ ഐക്യത്തിന്റെയും ഒത്തൊരുമയുടെയും ചൈതന്യം പ്രതിഫലിപ്പിക്കാൻ വേണ്ടിയാണ്.

ALSO READ: യുഎഇയിലെ ഏഴ് എമിറേറ്റുകളുടെ പേരിൽ അബൂദബിയിൽ ഏഴ് പുതിയ പള്ളികൾ; നിർദ്ദേശം നൽകി യുഎഇ പ്രസിഡന്റ്

അതേസമയം, ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് അബ്ദുള്ള ബിൻ സായിദ് അൽ നഹ്യാൻ 'ഇഷി ബിലാദി' എന്ന ദേശീയ ഗാനം ആലപിക്കേണ്ട കൃത്യമായ തീയതിയും സമയവും ഓർമ്മിപ്പിച്ചുകൊണ്ട് തിങ്കളാഴ്ച 'എക്സ്' ൽ ഒരു പോസ്റ്റ് ചെയ്തിരുന്നു.

രാജ്യത്തിന്റെ വിവിധ സമൂഹങ്ങളെ ഉൾക്കൊള്ളിക്കുന്നതിനായി, ദേശീയ ഗാനം അറബിയിലും ഇംഗ്ലീഷിലും നൽകിയിട്ടുണ്ട്. ഔദ്യോഗിക 'സിംഗ്-എലോങ്' വീഡിയോ ഉപയോഗിച്ച് എല്ലാവർക്കും പരിപാടിയിൽ പങ്കു ചേരാം.

ഈ നിമിഷങ്ങൾ #EidAlEtihad #VoicesOfUnity എന്നീ ഹാഷ്ടാഗുകളോടെ സമൂഹ മാധ്യമങ്ങളിൽ പങ്കുവെക്കാനും എല്ലാവരോടും അഭ്യർത്ഥിച്ചിട്ടുണ്ട്.

The UAE is set to unite its citizens, residents, and visitors in a nationwide singing of the national anthem on December 2, 2025, at 11 am, as part of the 54th UAE National Day celebrations, promoting national pride and unity.