കണ്ണൂർ: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് അടുക്കവെ, കണ്ണൂർ കോർപ്പറേഷനിൽ എൽഡിഎഫ് സ്ഥാനാർഥിക്ക് ഇരട്ട വോട്ടുണ്ടെന്ന് ഗുരുതര ആരോപണം. കണ്ണൂർ കോർപ്പറേഷൻ എളയാവൂർ സൗത്ത് ഡിവിഷനിലെ എൽഡിഎഫ് സ്ഥാനാർഥി വിജിനക്കെതിരെയാണ് യുഡിഎഫ് നേതൃത്വം പരാതിയുമായി രംഗത്തെത്തിയത്.
‌
വിജിനയ്ക്ക് എളയാവൂർ സൗത്ത് ഡിവിഷനിലെ വോട്ടർ പട്ടികയിലും കൂടാതെ പായം പഞ്ചായത്തിലെ ഒമ്പതാം വാർഡിലെ വോട്ടർ പട്ടികയിലും പേരുണ്ടെന്നാണ് യുഡിഎഫ് ഉന്നയിക്കുന്ന പ്രധാന ആരോപണം. ഇത് തെരഞ്ഞെടുപ്പ് നിയമങ്ങളുടെ ലംഘനമാണെന്ന് യുഡിഎഫ് ചൂണ്ടിക്കാട്ടുന്നു.

ALSO READ: ജീവനക്കാർക്ക് ആഴ്ചയിൽ 'ഫൈവ് ഡേ വർക്ക്'; സംസ്ഥാന സർക്കാർ നിർണ്ണായക ചർച്ചയിലേക്ക്

സംഭവം ശ്രദ്ധയിൽപ്പെട്ടതോടെ യുഡിഎഫ് നേതൃത്വം തെരഞ്ഞെടുപ്പ് കമ്മിഷന് ഔദ്യോഗികമായി പരാതി നൽകി. വിജിനയെ അടിയന്തരമായി അയോഗ്യയാക്കണമെന്ന ആവശ്യവുമായി യുഡിഎഫ് ജില്ലാ കളക്ടർക്ക് നേരിട്ടും പരാതി സമർപ്പിച്ചിട്ടുണ്ട്. തെരഞ്ഞെടുപ്പ് പ്രക്രിയയുടെ സുതാര്യത ഉറപ്പാക്കാൻ പരാതിയിൽ ശക്തമായ നടപടി വേണമെന്നാണ് പ്രതിപക്ഷ ആവശ്യം.

അതേസമയം, ഇരട്ട വോട്ട് ആരോപണം ഉയർന്ന സാഹചര്യത്തിൽ എൽഡിഎഫ് സ്ഥാനാർഥി വിജിന വിശദീകരണവുമായി രംഗത്തെത്തി. തനിക്ക് രണ്ടിടത്ത് വോട്ടുള്ള കാര്യം ശ്രദ്ധയിൽപ്പെട്ടിരുന്നില്ലെന്നും യാദൃശ്ചികമായി സംഭവിച്ച പിഴവാണെന്നുമാണ് സ്ഥാനാർഥിയുടെ നിലപാട്. യുഡിഎഫ് നൽകിയ പരാതിയിൽ തെരഞ്ഞെടുപ്പ് കമ്മിഷന്റെയും ജില്ലാ കളക്ടറുടെയും തുടർ നടപടികൾക്കായി കാത്തിരിക്കുകയാണ് രാഷ്ട്രീയ കേന്ദ്രങ്ങൾ.

The opposition United Democratic Front (UDF) has accused an LDF candidate in the Kannur Corporation local body elections of having double votes. The complaint alleges that the LDF candidate, Vijina from the Elayavoor South Division, is enrolled in the voter lists for two separate locations: her current division in Kannur Corporation and Ward 9 of Puzhathi Panchayat. The UDF has filed a formal complaint with the District Collector, demanding that the candidate be disqualified for violating election rules.