ന്യൂഡൽഹി: സംസ്ഥാന ഗവർണർമാരുടെ വസതികളുടെ പേര് രാജ്ഭവൻ എന്നതിൽ നിന്ന് ലോക്ഭവനാക്കി മാറ്റിയതിന് പിന്നാലെ പ്രധാനമന്ത്രിയുടെ ഓഫീസിന്റെ പേരും മാറ്റുന്നു. സെൻട്രൽ വിസ്താ പദ്ധതിയുടെ ഭാഗമായി പണി പുരോഗമിച്ചുകൊണ്ടിരിക്കുന്ന പ്രധാനമന്ത്രിയുടെ പുതിയ ഓഫീസിന് സേവ തീർത്ഥ് എന്ന് നാമകരണം ചെയ്യാനാണ് കേന്ദ്രസർക്കാർ തീരുമാനിച്ചിരിക്കുന്നത്.

പൊതുസേവനത്തിന്റെ കേന്ദ്രമായും ദേശീയ മുൻഗണനകൾ രൂപപ്പെടുത്തുന്ന വേദിയായും പ്രധാനമന്ത്രിയുടെ ഓഫീസിനെ ഉയർത്തിക്കാട്ടുന്നതിന്റെ ഭാഗമായാണ് പേര് മാറ്റമെന്നാണ്റി പ്പോർട്ടുകൾ.

രാജ്ഭവനുകളുടെയും രാജ് നിവാസുകളുടെയും പേര് ലോക്ഭവനെന്നും ലോക്‌നിവാസെന്നും മാറ്റി നവംബർ 25ന് ആഭ്യന്തര മന്ത്രാലയം ഉത്തരവ് പുറപ്പെടുവിച്ചിരുന്നു. കൊളോണിയൽ കാലത്തെ പേരുകൾ മാറ്റുന്നതിന്റെ ഭാഗമായിട്ടാണ് നടപടിയെന്നാണ് കേന്ദ്രം വിശദീകരിച്ചിരുന്നത്.

കേരളം, തമിഴ്‌നാട്, പശ്ചിമ ബംഗാൾ, അസം, ഉത്തരാഖണ്ഡ്, ത്രിപുര, ഗുജറാത്ത്, തെലങ്കാന, ഒഡീഷ എന്നീ ഒമ്പത് സംസ്ഥാനങ്ങളിൽ ഇതിനകം മാറ്റം നടപ്പിലാക്കിയിട്ടുണ്ട്.

PMO name change, Seva Teerth, Prime Minister's Office rebrand, Modi government name change, India political news, PMO new name. The Prime Minister's Office (PMO) is reportedly undergoing yet another name change, following a trend of re-naming schemes by the current administration. The new proposed name is 'Seva Teerth,' which translates to 'Pilgrimage of Service.'