മാനന്തവാടി: കൊയിലേരി ഉദയവായനശാലയില്‍ ഓണാഘോഷം 10, 11, 12, 16 തിയതികളില്‍ നവോദയ ക്ലബ്, കൊയിലേരി സി.ഡി.പി.എസ് സ്‌കൂള്‍, കുടുംബശ്രീ യൂനിറ്റുകള്‍, സ്വാശ്രയ സംഘങ്ങള്‍ എന്നിവയുടെ സഹകരണത്തോടെ നടത്തുമെന്ന് ഭാരവാഹികള്‍ അറിയിച്ചു. ഓണാഘോഷത്തിന്റെ ഭാഗമായി വിവിധ മത്സരങ്ങള്‍ സംഘടിപ്പിക്കും. 16ന് നടക്കുന്ന സമാപന സമ്മേളനം മാനന്തവാടി മുനിസിപ്പല്‍ ചെയര്‍മാന്‍ വി.ആര്‍. പ്രവീജ് ഉദ്ഘാടനം ചെയ്യും. കൗണ്‍സിലര്‍ മഞ്ജുള അശോകന്‍ അധ്യക്ഷയാവും. ഉദയ വായനശാല പ്രസിഡന്റ് കമ്മന മോഹനന്‍, അശോകന്‍ കൊയിലേരി, പി.വി. സുരേന്ദ്രന്‍, ശാന്ത രവി, അലക്‌സ് കല്‍പ്പകവാടി സംസാരിക്കും.