ഗൂഡല്ലൂര്‍: കാട്ടാനയെ ചരിഞ്ഞ നിലയില്‍ കണ്ടെത്തി. മുതുമല വന്യജീവി സങ്കേതത്തിലെ മസിനഗുഡി വനത്തിലാണ് ഇരുപത് വയസ് പ്രായം തോന്നിക്കുന്ന പിടിയാനയെ ചരിഞ്ഞ നിലയില്‍ കണ്ടെത്തിയത്. കാട്ടാനകള്‍ തമ്മിലുണ്ടായ സംഘട്ടനത്തെ തുടര്‍ന്നാകാം  പിടിയാന ചരിഞ്ഞതെന്നാണ് വനം വകുപ്പിന്റെ പ്രാഥമിക നിഗമനം.
ആനയുടെ പിന്‍ഭാഗത്തും വയറ്റിലും മുറിവേറ്റ പാടുകളുണ്ടായിരുന്നു. വിവരമറിഞ്ഞ് മുതുമല കടുവാസംരക്ഷണ കേന്ദ്രം ഡപ്യൂട്ടി ഡയറക്ടര്‍ ശരവണന്‍, റെയ്ഞ്ചര്‍ ചടയപ്പന്‍ എന്നിവരുടെ നേതൃത്വത്തിലുള്ള വനപാലക സംഘം സ്ഥലത്തെത്തി പരിശോധന നടത്തി. ഡോ. മങ്കയമ്മ പോസ്റ്റ്‌മോര്‍ട്ടം നടത്തി.