മസ്‌കത്ത്: ഒമാൻ വിദേശകാര്യ മന്ത്രി സയ്യിദ് ബദർ ബിൻ ഹമദ് അൽ ബുസൈദിയും, ഇന്ത്യയുടെ വിദേശകാര്യ മന്ത്രി ഡോ. എസ്. ജയശങ്കറും തമ്മിൽ ചർച്ചനടത്തി. ഇന്നലെ (ബുധനാഴ്ച) ഫോണിലൂടെയായിരുന്നും ഇരുവരും ചർച്ച നടത്തിയത്.

ഇരു രാജ്യങ്ങളും തമ്മിലുള്ള നയതന്ത്ര ബന്ധത്തിന്റെ 70-ാം വാർഷികം ആഘോഷിക്കുന്ന വേളയിലാണ് ഇരുവരും സംഭാഷണത്തിൽ ഏർപ്പെട്ടത്. ഉഭയകക്ഷി സഹകരണം, തന്ത്രപരമായ പങ്കാളിത്തം ശക്തിപ്പെടുത്തൽ തുടങ്ങിയ വിഷയങ്ങൾ മന്ത്രിമാർ ചർച്ച ചെയ്തു.

ALSO READ: രൂപ ഇടിഞ്ഞതോടെ നാട്ടിലേക്ക് പണം അയക്കുന്നത് കുത്തനെ കൂടി; മണി എക്‌സ്‌ചേഞ്ചുകളില്‍ തിരക്ക്; മൂന്നിരട്ടി വരെ പണം അയച്ച് യുഎഇ പ്രവാസികള്‍ | India Rupee Value

സമീപഭാവിയിൽ കൂടുതൽ കരാറുകളും ധാരണാപത്രങ്ങളും (MoU) ഒപ്പിടുന്നതിനുള്ള പുരോഗതിയും അവർ വിലയിരുത്തി. വ്യാപാര-നിക്ഷേപ ബന്ധം വിപുലീകരിക്കുന്നത് ഉൾപ്പെടെ ഇരു രാജ്യങ്ങൾക്കും കൂടുതൽ നേട്ടങ്ങളും പൊതുതാൽപ്പര്യങ്ങളും ഉറപ്പാക്കുകയാണ് ഈ കരാറുകളുടെ ലക്ഷ്യം.

കൂടാതെ, പ്രാദേശിക സംഭവവികാസങ്ങളെക്കുറിച്ചും സുരക്ഷാ, മാനുഷിക ഏകോപനവുമായി ബന്ധപ്പെട്ട നിലവിലെ ശ്രമങ്ങളെക്കുറിച്ചും ഇരുവരും ചർച്ച ചെയ്തു. 

Oman's Foreign Minister Sayyid Badr bin Hamad Al Busaidi and India's External Affairs Minister Dr. S Jaishankar held a phone call, discussing ways to deepen their strategic partnership, expand trade and investment ties, and enhance regional security cooperation, as both nations mark 70 years of diplomatic relations.