തിരുവനന്തപുരം: സംസ്ഥാനത്തെ ചലച്ചിത്ര വികസന കോര്‍പറേഷന്റെ ഉടമസ്ഥതയിലുള്ള തിയറ്ററുകളിലെ(കെ.എസ്.എഫ്.ഡി.സി) സി.സി.ടി.വി ദൃശ്യങ്ങള്‍ അശ്ലീല വെബ്‌സൈറ്റുകളിലും ടെലിഗ്രാം അക്കൗണ്ടുകളിലും പ്രചരിക്കുന്നു. തലസ്ഥാനത്തെ കൈരളി, ശ്രീ, നിള തിയറ്ററുകളില്‍ എത്തിയ സ്ത്രീ പുരുഷന്മാരുടെയും ദൃശ്യങ്ങളാണ് പ്രചരിപ്പിക്കപ്പെടുന്നത്. 

ALSO READ: കാസര്‍കോട് ആശുപത്രിയില്‍ ചികിത്സ തേടിയെത്തിയ യുവാക്കള്‍ തമ്മില്‍ സംഘര്‍ഷം: 8 പേരെ അറസ്റ്റ് ചെയ്തു

സംഭവം ശ്രദ്ധയില്‍ പെട്ടതോടെ കെ.എസ്.എഫ്.സിയുടെ പരാതിയില്‍ പൊലിസ് സൈബര്‍ ഓപ്പറേഷന്‍സ് വിഭാഗം അന്വേഷണം തുടങ്ങി. തിയറ്ററുകളുടെ പേര് സഹിതമാണ് ടെലിഗ്രാമിലും അശ്ലീല സൈറ്റുകളിലും സിസിടിവികള്‍ അപ്ലോഡ് ചെയ്തിരിക്കുന്നത്. 
സിസിടിവി ദൃശ്യങ്ങള്‍ സൂക്ഷിക്കുന്ന ക്‌ളൌഡ് ഹാക്ക് ചെയ്താണ് ദൃശ്യങ്ങള്‍ എടുത്തിട്ടുള്ളതെന്ന് പൊലിസ് കണ്ടെത്തി.

2023 മുതലുള്ള സി.സി.ടി.വി ദൃശ്യങ്ങള്‍ ചോര്‍ന്നിട്ടുണ്ടെങ്കിലും ഏതാനും മാസങ്ങള്‍ക്ക് മുന്‍മാണ് ഇവ അശ്ലീല സൈറ്റുകളില്‍ ദൃശ്യമായി തുടങ്ങിയത്. സീറ്റുകള്‍ ഉള്‍പ്പെടെ വ്യക്തമാക്കുന്ന ദൃശ്യങ്ങള്‍ ടെലിഗ്രാം ഗ്രൂപ്പുകളില്‍ പണം വാങ്ങി വില്‍പ്പന നടത്തുന്ന തരത്തിലാണ് പ്രചരിക്കുന്നത്.

CCTV footage from KSFDC theatres in Thiruvananthapuram has been leaked to porn websites and Telegram groups. Police have launched a cyber investigation after discovering that the theatre cloud storage was hacked. Footage is allegedly being sold online.