അബൂദബി: സീറോ ഗവണ്‍മെന്റ് ബ്യൂറോക്രസി പ്രോഗ്രാമിന്റെ രണ്ടാം ഘട്ടത്തിന്റെ ഭാഗമായി ഇമാറാത്തി പൗരന്മാരുടെ പാസ്‌പോര്‍ട്ടുകളുടെയും എമിറേറ്റ്‌സ് ഐഡിയുടെയും പുതുക്കല്‍ സംവിധാനം കാര്യക്ഷമമാക്കാന്‍ ഒരുങ്ങി യുഎഇ സര്‍ക്കാര്‍. ഇതിന്റെ ഭാഗമായി ഫെഡറല്‍ അതോറിറ്റി ഫോര്‍ ഐഡെന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്റ് പോര്‍ട്ട് സെക്യൂരിറ്റി പുതിയ സംവിധാനം ആരംഭിച്ചതായാണ് വിവരം.

ALSO READ: ദുബൈയിലെ ജ്വല്ലറി വിപണി കീഴടക്കാൻ 14 കാരറ്റ് സ്വർണ്ണം: കുറഞ്ഞ വില, ഉയർന്ന സാധ്യത; ലക്ഷ്യം വജ്രാഭരണ പ്രിയർ 

യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമാണ് പദ്ധതിയുടെ രണ്ടാം ഘട്ടത്തിന് തുടക്കം കുറിച്ചത്. യുഎഇയുടെ സീറോ ഗവണ്‍മെന്റ് ബ്യൂറോക്രസി ആഗോളതലത്തില്‍ തന്നെ സര്‍ക്കാര്‍ സേവനങ്ങള്‍ക്ക് മാതൃകയാണെന്ന് വിദഗ്ധര്‍ ചൂണ്ടിക്കാട്ടുന്നു. 

ആറു മാസത്തില്‍ താഴെ മാത്രമേ എമിറേറ്റ്‌സ് ഐഡിക്ക് സാധുത ഉള്ളൂ എങ്കില്‍പ്പോലും പൗരന്മാര്‍ക്ക് രണ്ടു രേഖകളും ഒരുമിച്ച് പുതുക്കാന്‍ കഴിയുന്ന സ്മാര്‍ട്ട് സംരഭമാകും അധികൃതര്‍ അവതരിപ്പിക്കുക. പേര്‍സണല്‍ ഡാറ്റയും ഫോട്ടോയും അപ്‌ഡേറ്റ് ചെയ്യുന്നതിനുള്ള ഏകീകൃത ഇന്റര്‍ഫേസ് സംവിധാനവും ഇതില്‍ ഉള്‍പ്പെടുത്തിയിട്ടുണ്ട്. ഇതുകൊണ്ടുതന്നെ ഒന്നിലധികം തവണ രേഖകളോ വിവരങ്ങളോ അപ്ലോഡ് ചെയ്യേണ്ട ആവശ്യം വരില്ല.

ALSO READ: ​ഗസ്സയെ ചേർത്തുപിടിച്ച് യുഎഇ: ഈദുൽ ഇത്തിഹാദിനോട് അനുബന്ധിച്ച് സമൂഹവിവാഹം നടത്തി; പുതുജീവിതം ആരംഭിച്ച് 54 ഫലസ്തീനി ദമ്പതികൾ 

സംവിധാനം അവതരിപ്പിക്കുന്നതോടെ പാസ്‌പോര്‍ട്ടും എമിറേറ്റ്‌സ് ഐഡിയും പുതുക്കാന്‍ എടുക്കുന്ന സമയം 50 ശതമാനവും ഇതുസംബന്ധിച്ച അന്വേഷണങ്ങളും ഫോണ്‍ കോളുകളും 40 ശതമാനവും കുറയുമെന്നാണ് അധികൃതര്‍ കണക്കുകൂട്ടുന്നത്.

പൗരന്മാരുടെ ജീവിതം ലളിതമാക്കാനും മെച്ചപ്പെടുത്താനും ലക്ഷ്യമിട്ടാണ് പുതിയ സംവിധാനം അവതരിപ്പിക്കുന്നത്. മികച്ച രീതികള്‍ കൂട്ടിച്ചേര്‍ത്തും വൈദ്ഗധ്യവും സാങ്കേതിക വിദ്യയും ഉള്‍പ്പെടുത്തിയും കാര്യക്ഷമമായി സര്‍ക്കാര്‍ സേവനങ്ങള്‍ ജനങ്ങളിലേക്ക് എത്തിക്കാനാണ് യുഎഇ സര്‍ക്കാരിന്റെ ശ്രമം.

uae authorities accelerate passport and emirates id renewals, reducing waiting time and ensuring quicker and smoother processing for residents