ദുബൈ: മയക്കുമരുന്നുകടത്തുമായി ബന്ധപ്പെട്ട് തന്റെ ബാങ്ക് അക്കൗണ്ടിലൂടെ പണമിടപാട് നടത്തിയതിനെ തുടര്‍ന്ന് ഏഷ്യന്‍ യുവാവിന് 3 വര്‍ഷം തടവും 1 ലക്ഷം ദിര്‍ഹം പിഴയും ചുമത്തി ദുബൈ കോടതി.

ശിക്ഷാനടപടി പൂര്‍ത്തിയായതിനുശേഷം ഇയാളെ നാടുകടത്താനും കോടതി ഉത്തരവിട്ടു. നിലവില്‍ ഇയാളുടെ ബാങ്കിലെ മുഴുവന്‍ പണവും കണ്ടുകെട്ടിയിട്ടുണ്ട്. കൂടാതെ ബാങ്ക് വഴി മറ്റുളളവര്‍ക്കായി പണം അയക്കുന്നതിലും സ്വീകരിക്കുന്നതിലും 2 വര്‍ഷത്തെ വിലക്കും കോടതി ഏര്‍പ്പെടുത്തിയിട്ടുണ്ട്. 

ALSO READ: തൊഴിൽ തർക്കങ്ങൾ വേഗത്തിൽ പരിഹരിച്ച് യുഎഇ; 98 ശതമാനം കേസുകളിലും ഒത്തുതീർപ്പ്

റിപ്പോർട്ടനുസരിച്ച്, ബര്‍ ദുബൈയിലെ ഒരു വീട്ടില്‍ നാല് ഏഷ്യന്‍ പൗരന്മാര്‍ മയക്കുമരുന്ന് ഉപയോഗിക്കുകയും സൂക്ഷിക്കുകയും ചെയ്യുന്നുവെന്ന് ലഭിച്ച രഹസ്യവിവരത്തെ തുടര്‍ന്ന്, ആന്റിനാര്‍ക്കോട്ടിക്‌സിന്റെ പ്രത്യേക സംഘം വീട്ടില്‍ റെയ്ഡ് നടത്തുകയായിരുന്നു. വീടിനുള്ളില്‍ നിന്ന് ഹെറോയിന്‍ പാക്കറ്റ്, മയക്കുമരുന്ന് വിതരണത്തിന് ഉപയോഗിക്കുന്ന ഉപകരണങ്ങള്‍ എന്നിവ കണ്ടെത്തി. പ്രതികളുടെ വാഹനത്തില്‍ നിന്നും കൂടുതല്‍ മയക്കുമരുന്നുകളും കണ്ടെത്തി.

പ്രതികളിലൊരാൾ, മയക്കുമരുന്ന് ഒരു ഏഷ്യന്‍ വിതരണക്കാരനില്‍ നിന്ന് ഏറ്റുവാങ്ങിയതാണെന്ന് സമ്മതിച്ചു. മറ്റൊരാള്‍ മയക്കുമരുന്ന് വില്‍പ്പനയില്‍ നിന്നുള്ള വരുമാനം യുഎഇയിലെ ഒരു ബാങ്ക് അക്കൗണ്ടില്‍ നിക്ഷേപിച്ചതായും മയക്കുമരുന്ന് ഉപയോഗിച്ചതായും മൊഴിനല്‍കി.

A Dubai court has sentenced an Asian man to 3 years in prison and imposed a fine of 100,000 dirhams for drug trafficking, following a conviction by the Dubai Public Prosecution.