അറബ് എക്സലന്സ് അവാര്ഡ് നേടി ഒമാന് ധനമന്ത്രി
കെയ്റോ: ഒമാന് ധനമന്ത്രി സുല്ത്താന് ബിന് സാലിം അല് ഹബ്സി അറബ് ഗവണ്മെന്റ് എക്സലന്സ് അവാര്ഡ് നേടി. 2025ലെ നാലാം പതിപ്പില് അദ്ദേഹത്തെ 'ബെസ്റ്റ് അറബ് മിനിസ്റ്റര്' എന്ന വിശിഷ്ട തലക്കെട്ടോടെ ആദരിച്ചു.
ഡിസംബര് 4ന് കെയ്റോയിലെ അറബ് ലീഗ് ഹെഡ്ക്വാര്ട്ടേഴ്സില് വെച്ചാണ് അവാര്ഡ് പ്രഖ്യാപന ചടങ്ങ് നടന്നത്. ഒമാനിലെ സര്ക്കാര് സംവിധാനത്തിന്റെ സമഗ്ര പ്രവര്ത്തനത്തിനുളള അംഗീകാരമാണെന്ന് അല് ഹബ്സി വ്യക്തമാക്കി.
'സേവനങ്ങളുടെ കാര്യക്ഷമതയും, ഗുണമേന്മയും ഒമാനിലെ സര്ക്കാര് സംവിധാനത്തിന്റെ അടിസ്ഥാന ഗുണങ്ങളാണെന്ന്', അദ്ദേഹം കൂട്ടിച്ചേര്ത്തു. അവാര്ഡ് ലഭിക്കുന്നത് കൂടുതല് ഉത്തരവാദിത്വത്തോടെയുള്ള പ്രതിബദ്ധതയാണെന്നും, ഭാവിയില് അറബ് രാജ്യങ്ങളുമായി സഹകരിച്ച് സര്ക്കാര് പ്രവര്ത്തനങ്ങളില് പുതിയ ആശയങ്ങളും ഉയര്ന്ന നിലവാരവും കൈവരിക്കാന് പ്രയത്നം തുടരുമെന്നും അദ്ദേഹം പറഞ്ഞു
പബ്ലിക് അഡ്മിനിസ്ട്രേഷന്, പുതിയ രീതികള്, മികച്ച സേവന മികവ് എന്നിവയില് അറബ് രാജ്യങ്ങളിലെ സര്ക്കാര് ഉദ്യോഗസ്ഥര്, സ്ഥാപനങ്ങള് എന്നിവരെ അംഗീകരിക്കുന്ന പ്രാദേശിക അംഗീകാരമാണ് അറബ് ഗവണ്മെന്റ് എക്സലന്സ് അവാര്ഡ്. ഒമാനിലെ സര്ക്കാര് സംവിധാനത്തിന്റെ മികവ് അറബ് ലോകിന് മുന്നില് നിര്ത്താന് ഇത് സഹായമാകും എന്നാണ് വിദഗ്ധര് വിലയിരുത്തുന്നത്.
Oman's Finance Minister, Sultan bin Salim Al Habsi, has been honored with the Arab Government Excellence Award, receiving the title of 'Best Arab Minister' at the 4th edition of the awards in 2025, in recognition of his outstanding contributions to government work and excellence.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."