അബൂദബി: തലസ്ഥാനത്തെ പ്രധാന റോഡുകളായ ഷെയ്ഖ് സായിദ് ബിൻ സുൽത്താൻ സ്ട്രീറ്റിലും ഷെയ്ഖ ഫാത്തിമ ബിൻത് മുബാറക് സ്ട്രീറ്റിലും ഭാഗികമായി ഗതാഗത നിയന്ത്രണം ഏർപ്പെടുത്തുമെന്ന് എഡി മൊബിലിറ്റി (AD Mobility). അറ്റക്കുറ്റപ്പണികൾ നടക്കുന്നതിനാലാണ് താൽക്കാലിക നിയന്ത്രണങ്ങൾ ഏർപ്പെടുത്തിയിരിക്കുന്നത്.

വാഹനമോടിക്കുന്നവർ യാത്രകൾ മുൻകൂട്ടി ആസൂത്രണം ചെയ്യണമെന്നും ഗതാഗതക്കുരുക്ക് ഒഴിവാക്കാൻ ബദൽ മാർഗ്ഗങ്ങൾ ഉപയോഗിക്കണമെന്നും അധികൃതർ അഭ്യർത്ഥിച്ചു.

ALSO READ: റാസ് അൽ ഖൈമയിൽ പർവതാരോഹകർക്ക് മുന്നറിയിപ്പ്: സുരക്ഷ ഉറപ്പാക്കാൻ പൊലിസ് പട്രോളിംഗ് വർധിപ്പിച്ചു 

ഷെയ്ഖ് സായിദ് ബിൻ സുൽത്താൻ സ്ട്രീറ്റിലെ നിയന്ത്രണങ്ങൾ (Sheikh Zayed Bin Sultan Street)

ഷെയ്ഖ് സായിദ് പാലത്തിന് സമീപമുള്ള പാതകളിലാണ് ഘട്ടം ഘട്ടമായുള്ള അടച്ചിടൽ. ഇത് ഡിസംബർ 9 ചൊവ്വാഴ്ച തുടങ്ങി 2025 ഡിസംബർ 22 തിങ്കളാഴ്ച വരെ നീണ്ടുനിൽക്കും.

ഒന്നാം ഘട്ടം: ഡിസംബർ 9-ന് പുലർച്ചെ 12 മണി മുതൽ ഡിസംബർ-15 ന് രാത്രി 10 മണി വരെ മൂന്ന് ഇടതുവശത്തെ പാതകൾ അടച്ചിടും.

രണ്ടാം ഘട്ടം: ഡിസംബർ 15-ന് രാത്രി 10 മണി മുതൽ ഡിസംബർ 22-ന് രാവിലെ 6 മണി വരെ രണ്ട് വലതുവശത്തെ പാതകൾ അടയ്ക്കും.

ALSO READ: വാടകയ്ക്കെടുത്ത കാറുമായി ഷെയ്ഖ് സായിദ് റോഡിൽ അഭ്യാസപ്രകടനം; വിദേശ സഞ്ചാരിയെ അറസ്റ്റ് ചെയ്ത് ദുബൈ പൊലിസ് 

ഷെയ്ഖ് ഫാത്തിമ ബിൻത് മുബാറക് സ്ട്രീറ്റ് (Sheikh Fatima Bint Mubarak Street)

ഷെയ്ഖ് ഫാത്തിമ ബിൻത് മുബാറക് സ്ട്രീറ്റിൽ ഡിസംബർ 5-ന് വൈകുന്നേരം 5 മണി മുതൽ ഡിസംബർ 8-ന് പുലർച്ചെ 5 മണി വരെ അടച്ചിടും.

ഗതാഗതം സുഗമമാക്കാനും റോഡുകൾ സുരക്ഷിതമാക്കാനുമായുള്ള അറ്റക്കുറ്റപ്പണികളുടെ ഭാഗമാണ് താൽക്കാലിക നിയന്ത്രണങ്ങളെന്ന് അധികൃതർ വ്യക്തമാക്കി. അറ്റകുറ്റപ്പണി നടക്കുന്ന ദിവസങ്ങളിൽ യാത്രക്കാർ അധിക യാത്രാ സമയം കണക്കാക്കുകയും നിർദ്ദേശങ്ങൾ കൃത്യമായി പാലിക്കുകയും ചെയ്യണമെന്ന് അധികൃതർ അറിയിച്ചു.