കുവൈത്ത് സിറ്റി: കുവൈത്തിലേക്ക് യാത്ര ചെയ്യുന്നവർ പാലിക്കേണ്ട പുതിയ നിയമങ്ങളുമായി അധികൃതർ. കുവൈത്ത് പബ്ലിക് പ്രോസികുഷന്റെ എക്‌സ് അക്കൗണ്ടിലൂടെ പുറത്തുവിട്ട പോസ്റ്റിലാണ് പുതിയ യാത്രാ ചട്ടങ്ങൾ ഉൾപ്പെടുത്തിയിട്ടുള്ളത്. പുതിയ യാത്രാ നിയമമനുസരിച്ച് മരുന്നുകൾ, ലഹരിവസ്തുക്കൾ എന്നിവ കൊണ്ടുവരുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ച് വ്യക്തമായി പറയുന്നുണ്ട്.

 

 

 

 

• ലഹരി ഉപയോഗം നടക്കുന്ന സ്ഥലങ്ങളിൽ കണ്ടാൽ നിയമം നിങ്ങളെ കുറ്റക്കാരായി കണക്കാക്കും.

• കുറ്റകൃത്യത്തെക്കുറിച്ച് അറിഞ്ഞിട്ടും മിണ്ടാതിരിക്കുന്നവർക്ക് നിയമം ഇളവ് നൽകില്ല.

 

 

കൂടാതെ, കുവൈത്തിൽ പ്രവേശിക്കുമ്പോൾ നിങ്ങളുടെ കൈവശമുള്ള മരുന്നുകളും മറ്റുള്ള വസ്തുക്കളും നിയമാനുസൃതമാണോ എന്ന് ഉറപ്പാക്കണം. അല്ലാത്തപക്ഷം നിയമം അറിയില്ലെന്ന വാദം സ്വീകരിക്കില്ല. പുതിയ നിയമമനുസരിച്ച് കുടുംബാംഗങ്ങൾ, എംപ്ലോയർമാർ, ആരോഗ്യ കേന്ദ്രങ്ങൾ എന്നിവർക്കു ലഹരി ഉപയോഗം റിപ്പോർട്ട് ചെയ്യാൻ അവകാശം ഉണ്ട്. റിപ്പോർട്ട് ചെയ്യുന്നവരുടെ വിവരങ്ങൾ നിയമം രഹസ്യമായി സൂക്ഷിക്കും. ലഹരി ഉപയോഗിക്കുന്നവർ സ്വയം ചികിത്സയ്ക്ക് മുന്നോട്ടു വരുമ്പോളോ നേരത്തെ റിപ്പോർട്ട് ചെയ്താലോ ശിക്ഷയിൽ നിന്നും രക്ഷ നേടാം. ലഹരിബാധിതർക്ക് ചികിത്സയിലൂടെ ശിക്ഷയിൽ നിന്നും സംരക്ഷണം ലഭിക്കും. ചികിത്സാ കേന്ദ്രങ്ങളിൽ മെഡിക്കൽ,സൈക്കോളജിക്കൽ പിന്തുണയും ലഭിക്കും.എന്നാൽ ചികിത്സ പാലിക്കാതെയോ നിരസിക്കുകയോ ചെയ്താൽ, നിയമനടപടി ഉൾപ്പെടെ തടവ് ശിക്ഷയ്ക്ക് കാരണമാകും.

 

kuwait announces updated travel rules and entry guidelines for passengers heading to the country