ചെന്നൈ: ലോകമെമ്പാടുമുള്ള ഇലക്ട്രിക് വാഹന വിപണിയിൽ ആധിപത്യം സ്ഥാപിച്ച ഇലോൺ മസ്‌കിന്റെ ടെസ്‌ലയ്ക്ക് ഇന്ത്യൻ വിപണിയിൽ കനത്ത തിരിച്ചടി. വലിയ പ്രതീക്ഷയോടെ രാജ്യത്തെത്തിയ ടെസ്‌ലയ്ക്ക് വിപണിയിൽ നിന്ന് തണുത്ത പ്രതികരണമാണ് ലഭിക്കുന്നത്. എതിരാളികളായ ആഡംബര കാർ നിർമ്മാതാക്കളേക്കാൾ ഏറെ പിന്നിലാണ് ടെസ്‌ലയുടെ വിൽപന കണക്കുകൾ. ഈ വർഷം സെപ്റ്റംബറിലാണ് ടെസ്‌ല തങ്ങളുടെ വാഹനങ്ങൾ ഇന്ത്യൻ ഉപഭോക്താക്കൾക്ക് കൈമാറിത്തുടങ്ങിയത്. എന്നാൽ ഇതുവരെയായി ആകെ വിറ്റഴിക്കാൻ കഴിഞ്ഞത് 157 യൂണിറ്റ് വാഹനങ്ങൾ മാത്രമാണ്.

ALSO READ: പുതിയ കാർ വാങ്ങി ദിവസങ്ങൾക്കുള്ളിൽ തുരുമ്പിച്ചു; മാരുതി സുസുക്കിക്ക് തിരിച്ചടി; ഉടമയ്ക്ക് അനുകൂല വിധിയുമായി കോട്ടയം ഉപഭോക്തൃ തർക്ക പരിഹാര കമ്മിഷൻ

എതിരാളികൾ മുന്നിൽ

വാഹൻ ഡാറ്റ പ്രകാരം, കഴിഞ്ഞ മാസത്തെ (നവംബർ) വിൽപനയിൽ പോലും ടെസ്‌ല പിന്നിലാണ്. നവംബറിൽ 48 മോഡൽ Y മാത്രമാണ് ടെസ്‌ല നിരത്തിലെത്തിച്ചത്. ഇതേസമയം, ബിഎംഡബ്ല്യു, മെഴ്‌സിഡസ് ബെൻസ് തുടങ്ങിയ ആഡംബര കാർ നിർമ്മാതാക്കൾ യഥാക്രമം 267, 69 ഇലക്ട്രിക് വാഹനങ്ങൾ വിറ്റഴിച്ച് ടെസ്‌ലയെ മറികടന്നു.

സെപ്റ്റംബറിൽ ബിഎംഡബ്ല്യു 307 യൂണിറ്റുകളും മെഴ്‌സിഡസ് ബെൻസ് 95 യൂണിറ്റുകളും വോൾവോ 22 യൂണിറ്റുകളും വിൽപന നടത്തിയിരുന്നു. റിപ്പോർട്ടുകൾ അനുസരിച്ച്, സെപ്റ്റംബർ പകുതിയോടെ ടെസ്‌ലയുടെ വാഹനങ്ങൾക്ക് ആകെ ലഭിച്ചത് 600 ബുക്കിംഗുകൾ മാത്രമാണ്.

മോഡൽ Y: വിലയും പ്രത്യേകതകളും

നിലവിൽ, മോഡൽ Y മാത്രമാണ് ടെസ്‌ല ഇന്ത്യൻ വിപണിയിൽ വിൽപ്പനയ്ക്ക് എത്തിച്ചിട്ടുള്ളത്. രണ്ട് വേരിയന്റുകളിലാണ് ഈ മോഡൽ ലഭ്യമാകുന്നത്. റിയർ-വീൽ ഡ്രൈവ് (RWD): 500 കിലോമീറ്റർ റേഞ്ച് (WLTP) ലോംഗ് റേഞ്ച് റിയർ-വീൽ ഡ്രൈവ് (LR-RWD): 622 കിലോമീറ്റർ റേഞ്ച് (WLTP)

മോഡൽ Y യുടെ അടിസ്ഥാന വില 59.89 ലക്ഷം രൂപയിലാണ് ആരംഭിക്കുന്നത്. വിപണിയിൽ ശക്തമായ എതിരാളികളും ഉയർന്ന വിലയും കാരണം ടെസ്‌ലയ്ക്ക് ഇന്ത്യയിൽ വേരുറപ്പിക്കാൻ കൂടുതൽ സമയം വേണ്ടിവരുമെന്നാണ് വിപണി വിദഗ്ദ്ധരുടെ വിലയിരുത്തൽ.

Tesla's Indian entry has been slow, with only 157 Model Y units sold since deliveries began in September. This low figure is a major setback for Elon Musk's brand, as rival luxury carmakers like BMW and Mercedes-Benz have significantly outsold Tesla in the premium Electric Vehicle (EV) segment. The main hurdles are the high price (Model Y starts at ₹59.89 Lakh) resulting from steep import duties, and strong competition in the price-sensitive Indian market.