തിരുവനന്തപുരം: തദ്ദേശ തെരഞ്ഞെടുപ്പ് അടുത്തിരിക്കെ ഏഴ് ജില്ലകളിലെ പരസ്യപ്രചാരണങ്ങള്‍ക്ക് നാളെ തിരശീല വീഴും. തിങ്കളാഴ്ച നിശബ്ദ പ്രചരണം. തിരുവനന്തപുരം മുതല്‍ എറണാകുളം വരെയുളള ജില്ലകളിലാണ് ആദ്യഘട്ടത്തില്‍ വോട്ടെടുപ്പ് നടക്കുന്നത്. നാടിന്റെ മുക്കിലും മൂലയിലും തദ്ദേശ തെരഞ്ഞെടുപ്പിന്റെ അലയൊലികള്‍ എത്തിച്ച 20 ദിവസത്തോളം നീണ്ടുനിന്ന ആവേശം നിറഞ്ഞ പ്രചരണത്തിനാണ് നാളെ വൈകുന്നേരം തിരശീല വീഴുന്നത്. 

പ്രാദേശിക ഭരണകൂടങ്ങളെ തെരഞ്ഞെടുക്കുന്നതിന് വേണ്ടിയുളള തെരഞ്ഞെടുപ്പായിരുന്നെങ്കിലും പൊതു രാഷ്ട്രീയ വിഷയങ്ങള്‍ക്ക് തന്നെയായിരുന്നു പ്രചരണ രംഗത്ത് മേല്‍ക്കൈ. 

തൃശൂര്‍ മുതല്‍ കാസര്‍കോട് വരെയുള്ള ജില്ലകളില്‍ ഡിസംബര്‍ 13നാണ് തെരഞ്ഞെടുപ്പ്. 9ാം തീയതിയോടെ പരസ്യപ്രചരണം അവസാനിക്കും. 13ാം തീയതിയാണ് 14 ജില്ലകളിലും വോട്ടെണ്ണല്‍.