പാരിസ്: കഴിഞ്ഞ ദിവസം പാരിസില്‍ ഐ.എസിന്റെ ഭീകരാക്രമണം തകര്‍ത്തതായി ഫ്രഞ്ച് പ്രോസിക്യൂട്ടര്‍മാര്‍. കേസില്‍ സ്ത്രീയെ അറസ്റ്റ് ചെയ്തിരുന്നു. പിടിയിലായ സ്ത്രീക്ക് ഭീകരബന്ധമുണ്ടെന്നും പാരിസ് പ്രോസിക്യൂട്ടര്‍ ഫ്രാങ്കോയിസ് മോളിനസ് പറഞ്ഞു. ഭീകരാക്രമണശ്രമം ചെറുക്കുന്നതിനിടെ പൊലിസുകാരന് കുത്തേറ്റിരുന്നു.
കാറില്‍ ഗ്യാസ് സിലിന്‍ഡറുകള്‍ നിറച്ച നിലയിലാണ് സംഘത്തെ പൊലിസ് പിടികൂടിയത്. നോട്‌റെ ഡാമെ കത്തീഡ്രലിനു സമീപത്ത്‌വച്ചാണ് കാര്‍ പിടികൂടിയത്. കേസില്‍ പ്രതിയായ സ്ത്രീയെ ഏറ്റുമുട്ടലിലൂടെയാണ് കീഴ്‌പ്പെടുത്തിയത്. ഇവര്‍ക്ക് വെടിയേറ്റു. മൂന്നു സ്ത്രീകളില്‍ ഒരാള്‍ 19 കാരിയാണ്. മറ്റുള്ളവര്‍ക്ക് 39, 23 വയസ്സ് പ്രായമുണ്ട്.