അരൂര്‍ : കലയും രാഷ്ട്രീയവും സമന്വയിപ്പിച്ച ഗിന്നസ് ബുക്ക് ഒഫ് വേള്‍ഡ് റെക്കോഡ് ജേതാവ് ജ്യോതി ലക്ഷ്മി ജില്ലാപഞ്ചായത്തിലേക്ക്. യു.ഡി.എഫ് സ്ഥാനാര്‍ഥിയായാണ് ജ്യോതി മത്സരത്തിനെത്തുന്നത്. കഴിഞ്ഞ അഞ്ചു വര്‍ഷക്കാലം അരൂര്‍ പഞ്ചായത്തിന്റെ അംഗമായിരുന്നു.സ്‌കൂള്‍ കാലം മുതല്‍ക്കേ കലാ, കായിക, സാമൂഹ്യ, സാംസ്‌കാരിക മണ്ഡലങ്ങളില്‍ തന്റേതായ വ്യക്തിമുദ്ര പതിപ്പിച്ചിട്ടുണ്ട്.

മലപ്പുറം പൊന്നാനിയിലാണ് ജനിച്ചത്.എല്ലാത്തിനും പിന്‍തുണയായി ഭര്‍ത്താവ് സജിമോന്‍ കൂടെയുണ്ട്. അരൂര്‍ പഞ്ചായത്ത് അംഗമായിരുന്ന ജ്യോതി ലക്ഷ്മിയുടെ എതിരാളി അരൂര്‍ പഞ്ചായത്ത് പ്രസിഡന്റ് ആയിരുന്ന അഡ്വ. രാഖി ആന്റണിയാണ്. ബി.ജെ.പി. സ്ഥാനാര്‍ഥി ബിന്ദു സ്വാമിനാഥനാണ്.

അതേസമയം, തദ്ദേശ തിരഞ്ഞെടുപ്പിന്റെ പരസ്യ പ്രചാരണം ഇന്ന് അവസാനിക്കും. അവസാനഘട്ടത്തില്‍ മുന്നണികളും സ്ഥാനാര്‍ഥികളും ആവേശത്തില്‍. പരമാവധി വോട്ടര്‍മാരെ നേരില്‍കണ്ട് വോട്ട് ഉറപ്പിക്കുന്നതിനായി സ്ഥാനാര്‍ഥികളും പ്രവര്‍ത്തകരും വീടുതോറും കയറിയിറങ്ങി വോട്ട് ഉറപ്പാക്കുകയാണ്.വാര്‍ഡുതലം മുതല്‍ ജില്ലാ പഞ്ചായത്ത് വരെ മത്സര രംഗം കൊഴുത്തതോടെ ഓരോ മുന്നണിയും നേട്ടങ്ങളും കൊട്ടങ്ങളും ഭാവി പദ്ധതികള്‍, ക്ഷേമ പ്രവര്‍ത്തനങ്ങള്‍ എന്നിവ ജനങ്ങളിലേക്ക് എത്തിക്കുന്നതിന് പരമാവധി ശ്രദ്ധിക്കുന്നുണ്ട്.

പ്രചാരണം അവസാനിക്കുന്നതോടെ പരസ്യ ബോഡുകള്‍ പൊതുസ്ഥലങ്ങളില്‍ നിന്ന് പിന്‍വലിക്കേണ്ടതുണ്ടെന്ന് തെരഞ്ഞെടുപ്പ് കമ്മിഷന്‍ നിര്‍ദേശിച്ചിട്ടുണ്ട്. നിയമ ലംഘനങ്ങള്‍ ഒഴിവാക്കാന്‍ നിരീക്ഷണ സംഘങ്ങള്‍ ശക്തമായ പരിശോധനകളും നടത്തുന്നുണ്ട്. വോട്ടിങ് ദിവസം അടുത്തു വരുന്നതിനാല്‍ എല്ലാ മുന്നണി സ്ഥാനാര്‍ഥികളും ആത്മവിശ്വാസത്തിലാണ്. അവസാന നിമിഷങ്ങള്‍ വിലയേറിയതിനാല്‍ നിശബ്ദ പ്രചാരണവുമായി സ്ഥാനാര്‍ഥികളും അണിയറ നീക്കവുമായി മുന്നണികളും രംഗത്ത് സജീവമാണ്.

Jyothi Lakshmi—a Guinness World Record holder known for blending art and politics—will contest for the District Panchayat seat from Aroor as the UDF candidate. She previously served as a member of the Aroor Panchayat for five years and has been active since her school days in arts, sports, social, and cultural fields.