പമ്പ: ശബരിമല പാതയിൽ കെഎസ്ആർടിസി ബസുകൾ കൂട്ടിയിടിച്ച് അപകടം. ഉച്ചയ്ക്ക് ഒരു മണിയോടെ നിലയ്ക്കൽ-പമ്പ റോഡിൽ അട്ടത്തോടിന് സമീപമാണ് സംഭവം നടന്നത്. ശബരിമല തീർത്ഥാടകരായിരുന്നു ബസുകളിലുണ്ടായരുന്നത്. 

നിലയ്ക്കൽ - പമ്പ റൂട്ടിൽ ചെയിൻ സർവിസ് നടത്തുന്ന ബസുകളാണ് കൂട്ടിയിടിച്ചത്. അപകടത്തിൽ പരുക്കേറ്റ ബസ് ഡ്രൈവറെ ആശുപത്രിയിൽ പ്രവേശിപ്പിച്ചു. പരുക്ക് ഗുരുതരമല്ലെന്നാണ് റിപ്പോർട്ട്. നിരവധി തീർത്ഥാടകർ ബസുകളിൽ ഉണ്ടായിരുന്നെങ്കിലും മറ്റ് ആർക്കും പരുക്കുകളില്ല.

ALSO READ: പാര്‍ലമെന്റിലെ എം.പിമാരുടെ പ്രകടനം; പരസ്യസംവാദത്തിന് തയ്യാറെന്ന് മുഖ്യമന്ത്രി

അപകടത്തെ തുടർന്ന് റോഡിൽ ഏറെ നേരം ഗതാഗത തടസ്സമുണ്ടായി. തീർത്ഥാടകരെ മറ്റ് വാഹനങ്ങളിൽ പമ്പയിലേക്കും നിലയ്ക്കലേക്കും എത്തിച്ചു. അപകടത്തിൽപ്പെട്ട വാഹനങ്ങൾ റോഡിൽ നിന്നും മാറ്റി ഗതാഗതം സാധാരണ നിലയിലാക്കാൻ പൊലിസ് നടപടികൾ സ്വീകരിച്ചു വരുന്നു.

Two KSRTC buses carrying Sabarimala pilgrims collided near Attathodu on the Nilakkal-Pamba road, injuring the driver of one bus. The accident occurred around 1 pm, causing traffic disruption, but fortunately, no serious injuries were reported among the pilgrims.