ദുബൈ: യുഎഇയിൽ ഇലക്ട്രോണിക് ഇൻവോയ്‌സിംഗ് (ഇ-ഇൻവോയ്‌സിംഗ്) സംവിധാനം നടപ്പാക്കുന്നതിന്റെ മുന്നോടിയായി, നിയമലംഘനങ്ങൾക്കുള്ള പിഴകൾ പ്രഖ്യാപിച്ച് ധനകാര്യ മന്ത്രാലയം. 2026 ജൂലൈയിൽ ആദ്യഘട്ടം നിലവിൽ വരാനിരിക്കെ, നിയമനിർമ്മാണ നിയന്ത്രണ സംവിധാനങ്ങൾ ലംഘിക്കുന്ന സ്ഥാപനങ്ങൾക്ക് പ്രതിമാസം 5,000 ദിർഹം വരെ പിഴ ചുമത്തും.

2025-ലെ 106-ാം നമ്പർ മന്ത്രിസഭാ തീരുമാനത്തിലാണ് ഇ-ഇൻവോയ്‌സിംഗ് ചട്ടങ്ങൾ പാലിക്കാത്തതിന്റെ ഫലമായുണ്ടാകുന്ന ലംഘനങ്ങൾക്ക് പ്രതിദിനം 100 ദിർഹം മുതൽ 5,000 ദിർഹം വരെ ഭരണപരമായ പിഴകൾ നിശ്ചയിച്ചിരിക്കുന്നത്.

ALSO READ: ബസ് യാത്രക്കാർക്ക് കൂടുതൽ സൗകര്യം: 595 ബസ് കാത്തിരിപ്പ് കേന്ദ്രങ്ങളുടെ നിർമാണം പൂർത്തിയാക്കി ദുബൈ 

എന്താണ് ഇ-ഇൻവോയ്‌സിംഗ്?

യുഎഇ ഇലക്ട്രോണിക് ഇൻവോയ്‌സിംഗ് സിസ്റ്റം അനുസരിച്ച്, വാറ്റ്, മറ്റ് നികുതി സംബന്ധിയായ പ്രക്രിയകളിലെ കാര്യക്ഷമത, സുതാര്യത, കൃത്യത എന്നിവ മെച്ചപ്പെടുത്തുന്നതിനായിരിക്കും ഇത് നടപ്പാക്കുക. പരമ്പരാഗത പേപ്പർ അല്ലെങ്കിൽ PDF ഇൻവോയ്‌സുകൾക്ക് പകരം, XML പോലുള്ള ഘടനാപരമായ, മെഷീൻ-റീഡബിൾ ഫോർമാറ്റിൽ ഇൻവോയ്‌സുകൾ സൃഷ്ടിക്കുകയും കൈമാറ്റം ചെയ്യുകയും ഫെഡറൽ ടാക്സ് അതോറിറ്റിക്ക് (FTA) ഇലക്ട്രോണിക് ആയി റിപ്പോർട്ട് ചെയ്യുകയും വേണം.

2025-ന്റെ രണ്ടാം പാദത്തിലാണ് യുഎഇ ഇ-ഇൻവോയ്‌സിംഗ് നിയന്ത്രണങ്ങൾ അവതരിപ്പിച്ചത്. 2026 ജൂലൈയിൽ രാജ്യത്ത് ഇതിന്റെ ആദ്യ ഘട്ടം പ്രവർത്തനക്ഷമമാകും.

ALSO READ: ​ഗ്ലോബൽ 'ഹാരിസ്' ഓപ്പറേഷൻ; യൂറോപ്പിലെ ഏറ്റവും അപകടകാരിയായ ക്രിമിനൽ സംഘത്തലവനെ പിടികൂടി ദുബൈ പൊലിസ് 

പ്രധാനപ്പെട്ട പിഴകൾ 

ഇ-ഇൻവോയ്‌സിംഗ് ഇപ്പോൾ വ്യക്തമായ സാമ്പത്തിക പ്രത്യാഘാതങ്ങളുള്ള ഒരു നിർബന്ധിത ബാധ്യതയാണെന്ന് 
ആൻഡേഴ്സൺ യുഎഇ സിഇഒ അനുരാഗ് ചതുർവേദി പറഞ്ഞു. 

ഇൻവോയ്‌സുകളോ ക്രെഡിറ്റ് നോട്ടുകളോ നിശ്ചിത സമയത്തിനുള്ളിൽ സിസ്റ്റം വഴി കൈമാറ്റം ചെയ്യാത്ത പക്ഷം, ഓരോ രേഖയ്ക്കും 100 ദിർഹം പിഴ ഈടാക്കും. സിസ്റ്റത്തിലെ പരാജയങ്ങൾ കൃത്യസമയത്ത് റിപ്പോർട്ട് ചെയ്യാതിരുന്നാൽ പ്രതിദിനം 1,000 ദിർഹം പിഴ ചുമത്തുന്നതാണ് ഏറ്റവും വലിയ അപകടസാധ്യതയെന്നും വിദഗ്ധർ മുന്നറിയിപ്പ് നൽകുന്നു.

uae’s finance ministry issued a public notice announcing fines up to 5,000 dirhams for non-compliance with the new e-invoicing law. businesses and freelancers are urged to adhere to the regulation to avoid penalties and ensure proper tax and financial reporting.