നോയിഡ: ഉത്തർപ്രദേശിലെ ഗൗതം ബുദ്ധാ നഗറിൽ കോളജ് ഹോസ്റ്റൽ മുറിയിൽ എംസിഎ വിദ്യാർഥിയെ തൂങ്ങിമരിച്ച നിലയിൽ കണ്ടെത്തി. നോയിഡ ഇൻസ്റ്റിറ്റ്യൂട്ട് ഓഫ് എൻജിനീയറിങ് ആൻഡ് ടെക്നോളജിയിലെ വിദ്യാർഥിയും ജാർഖണ്ഡ് സ്വദേശിയുമായ കൃഷ്ണകാന്ത് (25) ആണ് ആത്മഹത്യ ചെയ്തത്.

സംഭവം ഇങ്ങനെ

കൃഷ്ണകാന്തിനെ ഹോസ്റ്റൽ മുറിയിൽ തൂങ്ങിമരിച്ച നിലയിലാണ് കണ്ടെത്തിയത്. മരിച്ച മുറിയിൽ നിന്ന് പൊലിസ് ഒരു ആത്മഹത്യാ കുറിപ്പും കണ്ടെടുത്തു.കുറിപ്പിൽ, "ഞാൻ എല്ലാം അവസാനിപ്പിക്കുന്നു, എൻ്റെ ശരീരവും വസ്‌തുകളും വീട്ടുകാർക്ക് വിട്ടുകൊടുക്കുക," എന്ന് രേഖപ്പെടുത്തിയിട്ടുണ്ട്.

 കൃഷ്ണകാന്ത് ആത്മഹത്യ ചെയ്യുന്നതിന് തൊട്ടുമുമ്പ് പിതാവിനെ ഫോണിൽ വിളിച്ച് സംസാരിച്ചിരുന്നു.സംസാരത്തിൽ അസ്വാഭാവികത തോന്നിയ പിതാവ് ഉടൻ തന്നെ കൂടെ താമസിച്ചിരുന്ന ഹൃതിക് എന്ന വിദ്യാർഥിയെ വിളിക്കുകയും കൃഷ്ണകാന്തിന്റെ അടുത്ത് വേഗം ചെല്ലാൻ ആവശ്യപ്പെടുകയും ചെയ്തു.ഹൃതിക് ഉടനെ മറ്റൊരു സുഹൃത്തിനെ മുറിയിലേക്ക് പറഞ്ഞുവിട്ടെങ്കിലും മുറി അകത്തുനിന്ന് പൂട്ടിയ നിലയിലായിരുന്നു.തുടർന്ന് വാതിൽ തകർത്ത് അകത്ത് കടന്നപ്പോഴാണ് കൃഷ്ണകാന്തിനെ തൂങ്ങിമരിച്ച നിലയിൽ കണ്ടെത്തിയത്.സംഭവത്തിൽ പൊലിസ് അന്വേഷണം ആരംഭിച്ചിട്ടുണ്ട്.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക.  ടോള്‍ ഫ്രീ നമ്പര്‍:  Toll free helpline number: 1056, 0471-2552056)