ദുബൈ: ദുബൈക്കും അബൂദബിക്കുമിടയിൽ ഒന്നിലധികം യാത്രക്കാർക്ക് ഒരു ടാക്സിയിൽ ഒരുമിച്ച് യാത്ര ചെയ്യാനും യാത്രാക്കൂലി പങ്കിടാനും അനുവദിക്കുന്ന ടാക്സി ഷെയറിംഗ് സേവനം രണ്ട് പ്രധാന സ്ഥലങ്ങളിലേക്ക് കൂടി വ്യാപിപ്പിച്ചതായി റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ).

അൽ മക്തൂം അന്താരാഷ്ട്ര വിമാനത്താവളത്തേയും ദുബൈ വേൾഡ് ട്രേഡ് സെന്ററിനേയുമാണ് പുതുതായി ഈ ടാക്സി ശൃംഖലയിൽ ഉൾപ്പെടുത്തിയിട്ടുള്ളത്. കഴിഞ്ഞ വർഷം നവംബറിൽ ദുബൈയിലെ ഇബ്‌നു ബത്തൂത്ത മാളിനും അബൂദബിയിലെ അൽ വഹ്ദ മാളിനും ഇടയിലാണ് ഷെയേർഡ് ടാക്സി സർവീസ് ആദ്യമായി അവതരിപ്പിച്ചത്.

ALSO READ: 'ബ്ലൂ വെരിഫിക്കേഷൻ നിങ്ങളെ രക്ഷിക്കില്ല': പണമടച്ചുള്ള വെരിഫിക്കേഷൻ വിശ്വാസ്യതയെ തകർക്കുന്നു; മുന്നറിയിപ്പുമായി യുഎഇയിലെ വിദഗ്ധർ 

പുതിയ റൂട്ടുകൾ

അൽ മക്തൂം അന്താരാഷ്ട്ര വിമാനത്താവളം: ദുബൈ മറീന മാൾ, ബിസിനസ് ബേ മെട്രോ സ്റ്റേഷൻ, പാം ജുമൈറയിലെ അറ്റ്‌ലാന്റിസ് മോണോറെയിൽ സ്റ്റേഷൻ എന്നിവിടങ്ങളിലേക്കാണ് ഇവിടെ നിന്നുള്ള റൂട്ടുകൾ.

ദുബൈ വേൾഡ് ട്രേഡ് സെന്റർ: ബിസിനസ് ബേ മെട്രോ സ്റ്റേഷൻ, അൽ സത്വ ബസ് സ്റ്റേഷൻ, ദുബൈ മറീന മാൾ എന്നിവിടങ്ങളിലേക്കാണ് ഇവിടെ നിന്നുള്ള റൂട്ടുകൾ.

കഴിഞ്ഞ വർഷം ഈ സംരംഭം വിജയകരമായതിനെ തുടർന്നാണ് പുതിയ വിപുലീകരണം. "സൗകര്യപ്രദവും വേഗതയേറിയതും ന്യായമായ വിലയുള്ളതുമായ മൊബിലിറ്റി ഓപ്ഷൻ എന്ന നിലയിൽ സമൂഹത്തിലെ വിവിധ വിഭാഗങ്ങളിൽ നിന്ന് ഇതിന് വലിയ സ്വീകാര്യതയാണ് ലഭിച്ചത്," ആർടിഎ പ്രസ്താവനയിൽ അറിയിച്ചു.

ഇബ്‌നു ബത്തൂത്ത മാളിനും അൽ വഹ്ദ മാളിനും ഇടയിൽ പ്രവർത്തിക്കുന്ന ഷെയേർഡ് ടാക്സി സർവീസ് ഉപയോ​ഗിക്കുന്ന യാത്രക്കാരുടെ എണ്ണത്തിൽ 228 ശതമാനം വർധനവാണ് രേഖപ്പെടുത്തിയത്.

ALSO READ: ഇറാഖി ക്വിസി മുതൽ വാഗ്യു ഷവർമ വരെ; ഗ്ലോബൽ വില്ലേജിലെ രുചിയേറും ഭക്ഷണശാലകൾ പരിചയപ്പെടാം 

"ഈ ശക്തമായ ആവശ്യം രണ്ട് സ്ഥലങ്ങൾ കൂടി ഉൾപ്പെടുത്തി പരീക്ഷണാടിസ്ഥാനത്തിൽ സേവനം വികസിപ്പിക്കാൻ ഞങ്ങളെ പ്രേരിപ്പിച്ചു," ആർ‌ടി‌എയുടെ പബ്ലിക് ട്രാൻസ്‌പോർട്ട് ഏജൻസിയിലെ പ്ലാനിംഗ് ആൻഡ് ബിസിനസ് ഡെവലപ്‌മെന്റ് ഡയറക്ടർ ആദിൽ ഷക്രി പറഞ്ഞു.

കൂടാതെ, ഒന്നിലധികം യാത്രക്കാർക്ക് ഒരു ടാക്സി പങ്കിടാൻ പ്രാപ്തമാക്കുന്നതിലൂടെ ഗതാഗതക്കുരുക്ക് കുറയ്ക്കാൻ ഈ സംരംഭം സഹായിക്കുന്നുണ്ടെന്നും ഷക്രി കൂട്ടിച്ചേർത്തു.

dubai’s roads and transport authority (rta) has announced the expansion of its taxi-sharing service to include al maktoum international airport and the dubai world trade centre. the move aims to improve commuter convenience, reduce travel costs, and enhance transportation efficiency across key locations in the city.