കൊച്ചി: മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര കൊച്ചിയുടെ സ്വന്തം കടമക്കുടി ദ്വീപുകൾ സന്ദർശിച്ചു. സ്വന്തം വാഹനമായ മഹീന്ദ്ര ഥാറിൽ കടമക്കുടിയുടെ പ്രകൃതി സൗന്ദര്യം ആസ്വദിച്ച അദ്ദേഹം, ഈ പ്രദേശം തന്നെ മാറ്റിമറിച്ചു എന്ന് അഭിപ്രായപ്പെട്ടു. സന്ദർശനത്തിന്റെ വീഡിയോ സമൂഹമാധ്യമമായ എക്സിൽ (മുമ്പ് ട്വിറ്റർ) പങ്കുവെച്ചുകൊണ്ട് അദ്ദേഹം കുറിച്ചത്, 'ഞാൻ എനിക്ക് തന്നെ നൽകിയ വാക്ക് പാലിച്ചു' എന്നാണ്.

മഹീന്ദ്രയുടെ ഒരു കോൺഫറൻസിൽ പങ്കെടുക്കാനായാണ് ആനന്ദ് മഹീന്ദ്ര കൊച്ചിയിൽ എത്തിയത്. ഏറെക്കാലമായി സന്ദർശിക്കാൻ ആഗ്രഹിച്ചിരുന്ന സ്ഥലമായിരുന്നു കടമക്കുടി. "ചില സ്ഥലങ്ങൾ നമ്മെ മാറ്റിമറിക്കും," എന്ന് കുറിച്ച അദ്ദേഹം, കടമക്കുടിയുടെ വൃത്തിയും സൗന്ദര്യവും മികച്ചതാണെന്നും വാനോളം പുകഴ്ത്തി.

മാസങ്ങൾക്ക് മുൻപ് കടമക്കുടിയുടെ ഒരു വീഡിയോ പങ്കുവെച്ചുകൊണ്ട് മഹീന്ദ്ര ഈ ദ്വീപ് സന്ദർശിക്കാനുള്ള ആഗ്രഹം പ്രകടിപ്പിച്ചിരുന്നു. 'ഭൂമിയിലെ തന്നെ ഭംഗിയുള്ള ഗ്രാമങ്ങളുടെ പട്ടികയിൽ പലപ്പോഴായും കടമക്കുടി ഉൾപ്പെട്ടിട്ടുണ്ട്. കൊച്ചിയിലേക്കുള്ള ബിസിനസ് യാത്രയിൽ ഈ ഡിസംബറിൽ പോകാൻ താൽപര്യമുള്ള സ്ഥലങ്ങളിൽ ഈ സ്ഥലമുണ്ട്,' എന്നായിരുന്നു അന്ന് അദ്ദേഹം കുറിച്ചത്.

I lived up to a promise I had made to myself…

After our Group’s M101 annual leadership conference in Kochi last week, on Friday I drove to Kadamakkudy to see if it truly deserves its reputation as one of the most beautiful villages on earth.

Clean and pristine.

Tranquil… https://t.co/oMk0Q9YDHW pic.twitter.com/kD6YBm0hJr

— anand mahindra (@anandmahindra) December 7, 2025

ആനന്ദ് മഹീന്ദ്രയുടെ ഈ ആഗ്രഹം അറിഞ്ഞ് പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് അദ്ദേഹത്തെ കേരളത്തിലേക്ക് സ്വാഗതം ചെയ്തിരുന്നു. 'അവിശ്വസനീയമായ സ്ഥലങ്ങളുടെയും അനുഭവങ്ങളുടെയും നാട്ടിലേക്ക് സ്വാഗതം. കടമക്കുടിയിൽ നിങ്ങൾക്ക് വേണ്ടി ആതിഥേയത്വം വഹിക്കുന്നതിന് കേരള ടൂറിസം സന്തുഷ്ടരാണ്,' എന്നായിരുന്നു റിയാസിന്റെ അന്നത്തെ പ്രതികരണം.

Anand Mahindra, the Chairman of Mahindra Group, recently visited the beautiful Kadamakkudy islands in Kochi, fulfilling a long-standing promise to himself. He drove his own Mahindra Thar and praised the area's natural beauty and cleanliness, stating that "some places just transform you." Mahindra shared the experience on social media, weeks after expressing his desire to visit the island, which had been previously acknowledged by Kerala's PWD Minister, P.A. Mohamed Riyas.