അബൂദബി: അറ്റകുറ്റപ്പണികളുടെ ഭാ​ഗമായി ഷെയ്ഖ് സായിദ് ബിൻ സുൽത്താൻ സ്ട്രീറ്റ് (Sheikh Zayed Bin Sultan Street) ഭാഗികമായി അടച്ച് അബൂദബി മൊബിലിറ്റി. ചൊവ്വാഴ്ച (ഡിസംബർ 9) ആരംഭിക്കുന്ന റോഡ് അടച്ചിടൽ ഡിസംബർ 22 വരെ നീണ്ടു നിൽക്കും.

ഈ രണ്ടാഴ്ചക്കാലം യാത്രക്കാർ മറ്റ് വഴികൾ ഉപയോഗിക്കണം എന്ന് അധികൃതർ എക്സിലൂടെ അറിയിച്ചിട്ടുണ്ട്. റോഡിന്റെ സുരക്ഷ ഉറപ്പുവരുത്താനാണ് ഈ അറ്റകുറ്റപ്പണികൾ.

ഷാർജ-ദുബൈ റൂട്ടിൽ വലിയ തിരക്ക് 

അതേസമയം, ഷാർജയ്ക്കും ദുബൈക്കും ഇടയിൽ യാത്ര ചെയ്യുന്നവർക്ക് കനത്ത ഗതാഗതക്കുരുക്ക് അനുഭവപ്പെട്ടു. രാവിലെ തിരക്കേറിയ സമയങ്ങളിൽ ഈ പ്രധാന ഹൈവേകളിൽ വാഹനം വളരെ സാവധാനത്തിലാണ് നീങ്ങിയതെന്ന് ഗൂഗിൾ മാപ്‌സിലെ തത്സമയ ഗതാഗത വിവരങ്ങൾ സൂചിപ്പിക്കുന്നു.

ALSO READ: ശൈഖ് സായിദ് ഫെസ്റ്റിവലിന്റെ അടിപൊളി പുതുവത്സരാഘോഷം: അൽ വത്ബയിൽ അഞ്ച് പുതിയ ഗിന്നസ് വേൾഡ് റെക്കോഡുകൾ പിറക്കും

മറ്റ് തടസ്സങ്ങൾ

ദുബൈയിലെ റാസ് അൽ ഖോർ റോഡിൽ (Ras Al Khor Road) ഒരു വാഹനാപകടം റിപ്പോർട്ട് ചെയ്തത് നഗരത്തിലെ ​ഗതാ​ഗതത്തിന് കാലതാമസം നേരിടുന്നതിന് വഴിയൊരുക്കി. ഷാർജയിലെ ഇൻഡസ്ട്രിയൽ ഏരിയയിലെ ഡമാസ്‌കസ് സ്ട്രീറ്റിലും (Damascus Street) വാഹനങ്ങളുടെ നിര രൂപപ്പെട്ടു, ഇത് റോഡിലെ തിരക്ക് വർധിപ്പിച്ചു.

പൊലിസ് മുന്നറിയിപ്പ് 

ലെയ്ൻ മാറുമ്പോഴോ തിരിയുമ്പോഴോ ഇൻഡിക്കേറ്ററുകൾ ഉപയോഗിക്കണം. ഇത് മറ്റ് വാഹനങ്ങൾക്ക് നിങ്ങളുടെ നീക്കം മുൻകൂട്ടി അറിയാൻ സഹായിക്കും. സുരക്ഷിതമായ ഡ്രൈവിംഗിന് ഇത് അത്യാവശ്യമാണ് ദുബൈ പൊലിസ് ഡ്രൈവർമാർക്ക് മുന്നറിയിപ്പ് നൽകി. 

Abu Dhabi Mobility has announced a partial closure of Sheikh Zayed Bin Sultan Street from December 9 to 22, 2025, for maintenance work. The closure will be implemented in phases, with three left lanes closed initially, followed by two right lanes from December 15 to 22. Motorists are advised to plan ahead and use alternative routes.