കണ്ണൂർ: ജില്ലയിൽ മാവോയിസ്റ്റ് ഭീഷണിയുള്ള 50 പോളിങ് ബൂത്തുകൾ ഉണ്ടെന്ന് സിറ്റി പൊലിസ് കമ്മീഷണർ പി. നിധിൻരാജ് അറിയിച്ചു. ഇവിടങ്ങളിൽ സായുധസേനയെ നിയോഗിച്ചിട്ടുണ്ട്. സിറ്റി, റൂറൽ പൊലിസ് പരിധികളിൽ 5100 പൊലിസുകാരെ വിന്യസിച്ചു. സിറ്റി പൊലിസ് പരിധിയിൽ 2500 ഉം റൂറൽ പൊലിസ് പരിധിയിൽ 2600 ഉം സേനാംഗങ്ങളെയാണ് വിന്യസിച്ചത്. ഒരു കമ്പനി കേന്ദ്രസേനയേയും വിന്യസിച്ചിട്ടുണ്ട്. കണ്ണൂരുമായി അതിർത്തി പങ്കിടുന്ന മേഖലകളിൽ കർശന പരിശോധന നടത്തും. പോളിങ് നടക്കുന്ന സ്ഥലങ്ങളിൽ പൊലിസിന്റെ ഗ്രൂപ്പ് പട്രോളിങ് ഉണ്ടാകും. പ്രശ്നസാധ്യതാ മേഖലകളിൽ വീഡിയോ ചിത്രീകരിക്കാൻ പ്രത്യേക ടീമിനെ നിയോഗിച്ചിട്ടുണ്ട്. 

ALSO READ: മലയാറ്റൂരിലെ ചിത്രപ്രിയയുടെ മരണം കൊലപാതകമെന്ന് പൊലിസ്; ആണ്‍ സുഹൃത്ത് അറസ്റ്റില്‍; രാത്രി ഒരുമണിക്ക് ബൈക്കില്‍ പോകുന്ന ദൃശ്യങ്ങളും പുറത്ത് 

പോളിങ് സ്റ്റേഷനുകളിലോ പരിസരപ്രദേശങ്ങളിലോ പ്രശ്നങ്ങൾ ഉണ്ടായാൽ പരിഹരിക്കുന്നതിന് ജില്ലാ പൊലിസ് ആസ്ഥാനങ്ങളിൽ കൺട്രോൾ റൂം തുറന്നിട്ടുണ്ട്. പ്രശ്നങ്ങൾ ശ്രദ്ധയിൽപ്പെട്ടാൽ 9497927740 (കണ്ണൂർ സിറ്റി പൊലിസ്), 9497935648 (കണ്ണൂർ റൂറൽ) എന്നീ നമ്പറുകളിൽ അറിയിക്കാം. സാമൂഹിക മാധ്യമങ്ങളും ഈ ദിവസങ്ങളിൽ കർശന നിരീക്ഷണത്തിലായിരിക്കും. വിദ്വേഷ പോസ്റ്റുകളും അപകീർത്തി പോസ്റ്റുകളും ശ്രദ്ധയിൽപെട്ടാൽ കടുത്ത നടപടി എടുക്കും.

city police commissioner p. nidinraj informed that there are 50 polling booths in kannur district under maoist threat.