തിരുവനന്തപുരം:'അവള്‍ക്കൊപ്പം' ഹാഷ്ടാഗ് ഐ.എഫ്.എഫ്.കെയില്‍ ഭാഗമാക്കണം എന്നാവശ്യപ്പെട്ട് മന്ത്രി സജി ചെറിയാന് കത്ത്.  സംവിധായകന്‍ ടി.ദീപേഷാണ് മന്ത്രിക്ക് കത്തയച്ചത്. 'ദിലീപിനെ ചോദ്യം ചെയ്യാന്‍ വിളിപ്പിക്കുമോ അതിനുള്ള ധൈര്യമുണ്ടോ എന്ന് ചോദിച്ചിടത്തു നിന്ന് കേസില്‍ പ്രതിയാവാനും വിചാരണ നേരിടാനും നടിയെ ഹൃദയത്തോട് ചേര്‍ത്തു പിടിക്കാനും സര്‍ക്കാര്‍ കാണിച്ച ഇച്ഛാശക്തി എടുത്തു പറയേണ്ടതാണ്. സര്‍ക്കാര്‍ മേല്‍ കോടതിയെ സമീപിക്കണമെന്നും അതിജീവിതയോടൊപ്പം ഓരോ മലയാളിയും ഈ പോരാട്ടത്തിന്റെ ഭാഗമാവണമെന്നും' ടി.ദീപേഷ് മന്ത്രിക്കയച്ച കത്തില്‍ പറയുന്നു. 

ഈ മാസം 12-മുതല്‍ 19 വരെ തിരുവനന്തപുരത്ത് വെച്ചാണ് ഐ.എഫ്.എഫ്.കെ നടക്കുന്നത്.

അതിനിടെ അതിജീവിതക്ക് ഐക്യദാര്‍ഢ്യവുമായി 'അവള്‍ക്കൊപ്പം' കൂട്ടായ്മ ഇന്ന് വൈകിട്ട് അഞ്ച് മണിക്ക് തിരുവനന്തപുരം മാനവീയം വീഥിയില്‍ നടക്കുന്നുണ്ട്.

കഴിഞ്ഞ ദിവസമായിരുന്നു നടിക്കെതിരായ ആക്രമണത്തിന്റെ കേസിലെ വിധി. കേസില്‍ ആദ്യ ആറ് പ്രതികളെയാണ് കോടതി കുറ്റക്കാരെന്ന് കണ്ടെത്തിയത്. 12നാണ് ശിക്ഷാ വിധി. എട്ടാം പ്രതി നടന്‍ ദിലീപ് ഉള്‍പെടെ ബാക്കി പ്രതികളെ വെറുതെ വിട്ടിരുന്നു.

a request has been submitted to minister saji cheriyan urging the inclusion of the ‘avalkkoppam’ hashtag in the iffK festival activities. the appeal highlights the need for stronger representation and support within the event.