പാലക്കാട്: തെരഞ്ഞെടുപ്പ് ഡ്യൂട്ടിയിലുണ്ടായിരുന്ന സ്പെഷ്യൽ പൊലിസ് ടീം സഞ്ചരിച്ച വാഹനം അപകടത്തിൽപ്പെട്ട് അഞ്ച് പേർക്ക് പരുക്കേറ്റു. പരുക്കേറ്റവരിൽ ഒരാളുടെ നില ഗുരുതരമാണ്. പാലക്കാട് - കോഴിക്കോട് ദേശീയപാതയിൽ നാട്ടുകൽ പോസ്റ്റ് ഓഫീസിന് സമീപം വെച്ചാണ് അപകടമുണ്ടായത്.

ALSO READ: ജനിതക മാറ്റം സംഭവിച്ച ബീജം വിതരണം ചെയ്തത് 14 യൂറോപ്യൻ രാജ്യങ്ങളിൽ; 197 കുട്ടികൾക്ക് അർബുദം സ്ഥിരീകരിച്ചു; ഡെൻമാർക്ക് സ്പേം ബാങ്കിനെതിരെ അന്വേഷണം

തെരഞ്ഞെടുപ്പ് വാഹന പരിശോധന കഴിഞ്ഞ് കരിങ്കലത്താണിയിൽ നിന്ന് മണ്ണാർക്കാടേക്ക് മടങ്ങുകയായിരുന്ന പൊലിസ് സംഘത്തിന്റെ വാഹനമാണ് അപകടത്തിൽപ്പെട്ടത്. ദേശീയപാതയിൽ വെച്ച് പിക്കപ്പ് വാനുമായി കൂട്ടിയിടിച്ചാണ് അപകടമുണ്ടായത്. കൂട്ടിയിടിക്ക് ശേഷം നിയന്ത്രണം വിട്ട പിക്കപ്പ് വാൻ സമീപത്തെ മതിലിലിടിച്ച് നിന്നു. വാഹനത്തിലുണ്ടായിരുന്ന അഞ്ച് പൊലിസ് ഉദ്യോഗസ്ഥർക്കാണ് പരുക്കേറ്റത്.

ഇവരെ ഉടൻ തന്നെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു. തെരഞ്ഞെടുപ്പ് ഡ്യൂട്ടിക്കായി സ്പെഷ്യലായി ഏർപ്പാടാക്കിയ വാഹനമാണ് അപകടത്തിൽപ്പെട്ടതെന്നാണ് വിവരം.

A vehicle carrying a special police team on election duty in Palakkad met with an accident when it collided with a pickup van near Nattukal on the Palakkad - Kozhikode National Highway. Five police personnel were injured in the mishap, with the condition of one person reported to be serious. The team was returning from a vehicle inspection when the incident occurred.