2026 ഫിഫ ലോകകപ്പിൽ കിരീടം നേടാൻ സാധ്യതയുള്ള ടീം ഏതാണെന്ന് തുറന്നു പറഞ്ഞിരിക്കുകയാണ് ടെന്നീസ് ഇതിഹാസം നവാക് ജോക്കോവിച്ച്. പോർച്ചുഗലിനെയാണ് ജോക്കോവിച്ച് ലോകകപ്പ് ഫേവറൈറ്റുകളിലായി തെരഞ്ഞെടുത്തത്. ഫൈനലിൽ മെക്സിക്കോയെ പരാജയപ്പെടുത്തി പോർച്ചുഗൽ കിരീടം ചൂടുമെന്നാണ് ടെന്നീസ് ഇതിഹാസത്തിന്റെ പ്രവചനം. 

''ഞാൻ അതിനെക്കുറിച്ച് തുറന്നു പറയും. പോർച്ചുഗൽ, അവർ ഫൈനലിൽ മെക്സിക്കോയെ തോൽപ്പിക്കും. ഫൈനൽ മെക്സിക്കോ-പോർച്ചുഗൽ ആയിരിക്കും. അതിൽ പോർച്ചുഗൽ വിജയിക്കും'' നവാക് ജോക്കോവിച്ച് പറഞ്ഞു. 

2026 ലോകകപ്പിൽ പോർച്ചുഗൽ ഗ്രൂപ്പ് കെയിലാണ് ഇടം പിടിച്ചത്. പോർച്ചുഗലിനൊപ്പം കൊളംബിയ, ഉസ്ബെക്കിസ്ഥാൻ എന്നീ ടീമുകളാണ് ഇടം നേടിയത്. പ്ലേ ഓഫ് കളിച്ചെത്തുന്ന ന്യൂ കാലിഡോണിയ, ജമൈക്ക, ഡെമോക്രാറ്റിക് റിപ്പബ്ലിക് ഓഫ് കോംഗോ എന്നീ ടീമുകളിൽ ഏതെങ്കിലും ഗ്രൂപ്പ് കെയിൽ ഇടം നേടും. 

2006 ലോകകപ്പിൽ സെമി ഫൈനൽ വരെ മുന്നേറിയതാണ് പോർച്ചുഗലിന്റെ വേൾഡ് കപ്പിലെ ഏറ്റവും മികച്ച പ്രകടനം. തന്റെ കരിയറിൽ ഒരിക്കൽപോലും നേടാനാവാത്ത ലോകകപ്പ് സ്വന്തമാക്കാനുള്ള അവസാന അവസരം കൂടിയാണ് റൊണാൾഡോക്കുള്ളത്. 

Tennis legend Novak Djokovic has revealed which team is likely to win the 2026 FIFA World Cup. Djokovic has picked Portugal as one of the World Cup favorites. The tennis legend predicts that Portugal will win the title by defeating Mexico in the final. Portugal's best performance in the World Cup was reaching the semi-finals in the 2006 World Cup. Ronaldo has one last chance to win the World Cup, which he has never won in his career.