കൊച്ചി: വിദ്യാർഥികൾ ഏറെ ആകാംക്ഷയോടെ കാത്തിരുന്ന ക്രിസ്മസ് അവധി ദിനങ്ങളുടെ പ്രഖ്യാപനം വന്നു. സാധാരണ ലഭിക്കാറുള്ള 10 ദിവസത്തെ അവധിയിൽ നിന്ന് വ്യത്യസ്തമായി ഇത്തവണ 12 ദിവസമാണ് വിദ്യാലയങ്ങൾക്ക് അവധി പ്രഖ്യാപിച്ചിട്ടുള്ളത്.

തദ്ദേശ തെരഞ്ഞെടുപ്പിന്റെ പശ്ചാത്തലത്തിൽ ക്രിസ്മസ് പരീക്ഷാ തീയതികളിൽ മാറ്റം വരുത്തിയതാണ് അവധികളുടെ എണ്ണം വർധിക്കാൻ കാരണമായത്. വിദ്യാഭ്യാസ വകുപ്പ് പുറത്തിറക്കിയ ഉത്തരവ് പ്രകാരം, ഡിസംബർ 24 മുതൽ ജനുവരി 05 വരെയായിരിക്കും സ്കൂളുകൾക്ക് അവധി. ഡിസംബർ 15-ന് ആരംഭിച്ച ക്രിസ്മസ് പരീക്ഷകൾ 23-ന് അവസാനിക്കും.

ALSO READ: അഞ്ച് സംസ്ഥാനങ്ങളില്‍ എസ്.ഐ.ആര്‍ സമയപരിധി നീട്ടി ; കേരളത്തിലും ബംഗാളിലും മാറ്റമില്ല

തദ്ദേശ തെരഞ്ഞെടുപ്പുമായി ബന്ധപ്പെട്ട് ഡിസംബറിൽ മറ്റ് അധിക അവധികളും വിദ്യാർഥികൾക്ക് ലഭിച്ചിരുന്നു. തെരഞ്ഞെടുപ്പ് നടക്കുന്ന ദിവസവും വോട്ടെണ്ണൽ കേന്ദ്രങ്ങളായി പ്രവർത്തിക്കുന്ന സ്ഥാപനങ്ങൾക്കും അവധി പ്രഖ്യാപിച്ചിരുന്നു. ആദ്യഘട്ട തെരഞ്ഞെടുപ്പ് നടന്ന ഡിസംബർ 9-ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ വിദ്യാലയങ്ങൾക്കായിരുന്നു അവധി. രണ്ടാം ഘട്ടം നടന്ന പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലും പൊതു അവധി പ്രഖ്യാപിച്ചിരുന്നു. കൂടാതെ, വോട്ടെണ്ണൽ കേന്ദ്രങ്ങളിൽ ഡിസംബർ 13 ശനിയാഴ്ചയും അവധി ലഭിച്ചു.

ALSO READ: ഇൻഡിഗോയ്ക്ക് കടിഞ്ഞാണിട്ട് ഡിജിസിഎ; യാത്ര മുടങ്ങിയവർക്ക് നഷ്ടപരിഹാരത്തിന് പുറമെ 10,000 രൂപയുടെ സൗജന്യ യാത്രാ വൗച്ചറും

അവധി ദിനങ്ങൾ ആഘോഷമാക്കാൻ ആഗ്രഹിക്കുന്നവർക്കായി കെഎസ്ആർടിസി വിവിധ വിനോദയാത്രകൾ സംഘടിപ്പിക്കുന്നുണ്ട്. കാഞ്ഞങ്ങാട് കെഎസ്ആർടിസി ബജറ്റ് ടൂറിസം സെൽ ഡിസംബർ 23, 27, 31 തീയതികളിൽ വയനാട്ടിലേക്കും ഡിസംബർ 26, ജനുവരി 02 തീയതികളിൽ പാലക്കയം തട്ട്, പൈതൽമല എന്നിവിടങ്ങളിലേക്കും യാത്ര ഒരുക്കുന്നു. ഡിസംബർ 27-ന് കരിയാത്തുംപാറ, 30-ന് കണ്ണൂർ, ജനുവരി ഒന്നിന് കടലുണ്ടി തുടങ്ങിയ സ്ഥലങ്ങളിലേക്കും ഏകദിന യാത്രകളുണ്ട്.

ALSO READ: തീവ്രമായ വൈരാഗ്യം: ചിത്രപ്രിയയെ അലൻ കൊലപ്പെടുത്തിയത് ആസൂത്രിതമായി; കൂടുതൽ തെളിവുകൾ തേടി പൊലിസ്

ഇവ കൂടാതെ, ഡിസംബർ 28 മുതൽ 31 വരെ ഗവി, അടവി, കമ്പം തുടങ്ങിയ സ്ഥലങ്ങൾ സന്ദർശിക്കുന്ന മൾട്ടി-ഡേ ട്രിപ്പുകളും ലഭ്യമാണ്. ഡിസംബർ 26 മുതൽ 29 വരെ വാഗമൺ, ഇല്ലിക്കൽക്കല്ല് യാത്രയും, 29 മുതൽ 31 വരെ നിലമ്പൂർ, കക്കാടം പൊയിൽ യാത്രയുമുണ്ട്. ഈ കെഎസ്ആർടിസി ടൂർ പാക്കേജുകളെക്കുറിച്ച് കൂടുതൽ വിവരങ്ങൾ അറിയാനും ബുക്കിംഗിനുമായി 9446088378, 8606237632 എന്നീ നമ്പറുകളിൽ ബന്ധപ്പെടാവുന്നതാണ്.

Due to changes in exam schedules necessitated by the local body elections, Kerala schools have announced a 12-day Christmas vacation, extending from December 24 to January 5. The article also highlights KSRTC tour packages available for students during this extended break.