അബൂദബി: യുഎഇയിലെ പൊതുമേഖലാ ജീവനക്കാർക്കായുള്ള 2026-ലെ പുതുവത്സര അവധി പ്രഖ്യാപിച്ചു. ഫെഡറൽ അതോറിറ്റി പുറത്തിറക്കിയ സർക്കുലർ പ്രകാരം ജീവനക്കാർക്ക് രണ്ട് ദിവസം അവധി ലഭിക്കും.

ALSO READ: ഷാർജയിൽ ഇനി എല്ലാം വിരൽത്തുമ്പിൽ! മുനിസിപ്പാലിറ്റിയുടെ വെബ്സൈറ്റ് പുതുക്കി; എട്ട് പുതിയ സേവനങ്ങൾ ഓൺ‌ലൈനിൽ 

ജനുവരി 1, വ്യാഴാഴ്ച ശമ്പളത്തോടുകൂടിയ ഔദ്യോഗിക പൊതു അവധിയും ജനുവരി 2, വെള്ളിയാഴ്ച ഫെഡറൽ സർക്കാർ ജീവനക്കാർക്ക് റിമോട്ട്-വർക്ക് ദിനവുമായിരിക്കും (Work from Home). ജോലിയുടെ സ്വഭാവം കാരണം ഓഫീസിൽ നേരിട്ട് ഹാജരാകേണ്ട തരത്തിലുള്ള വലിയ പദവി വഹിക്കുന്നവർക്ക് റിമോട്ട് വർക്ക് ബാധകമായിരിക്കില്ല.

ALSO READ: നാടുകടത്തലും ജയിൽ ശിക്ഷയും ലഭിക്കാവുന്ന യുഎഇയിലെ 7 വിസ ലംഘനങ്ങൾ | uae visa violations 

ജോലി-ജീവിത സന്തുലിതാവസ്ഥ (Work-Life Balance) പ്രോത്സാഹിപ്പിക്കാനുള്ള യുഎഇയുടെ ശ്രമങ്ങളുടെ ഭാഗമായാണ് തീരുമാനം. അവശ്യ സർക്കാർ സേവനങ്ങൾക്ക് തടസ്സമില്ലാതെ തുടർച്ച ഉറപ്പാക്കിക്കൊണ്ട് തന്നെയാണ് അവധി ക്രമീകരിച്ചിരിക്കുന്നത്.  അവധിക്കാലത്ത് ആവശ്യമായ നിർദ്ദേശങ്ങൾ നടപ്പിലാക്കാനും സുഗമമായ പ്രവർത്തനങ്ങൾ ഉറപ്പാക്കാനും ഫെഡറൽ സ്ഥാപനങ്ങൾക്ക് അതോറിറ്റി നിർദ്ദേശം നൽകിയിട്ടുണ്ട്. യുഎഇയിലെ ഭരണ നേതൃത്വത്തിനും ജനങ്ങൾക്കും അതോറിറ്റി പുതുവത്സരാശംസകൾ നേർന്നു.

uae declares a holiday for the new year and allows remote work on january 2, providing flexibility for employees across the country