ദുബൈ: 2026 ജനുവരി 1, വ്യാഴാഴ്ച, യുഎഇയിലെ എല്ലാ സ്വകാര്യ മേഖല ജീവനക്കാർക്കും ഔദ്യോഗിക അവധിയായിരിക്കുമെന്ന് മാനവ വിഭവശേഷി, എമിറേറ്റൈസേഷൻ മന്ത്രാലയം (MoHRE) അറിയിച്ചു. സർക്കാർ, സ്വകാര്യ മേഖലകൾക്കായി യുഎഇ കാബിനറ്റ് അംഗീകരിച്ച അവധിക്കാല തീരുമാനപ്രകാരമാണ് ഈ പ്രഖ്യാപനം.

സ്വകാര്യ മേഖല അവധി

2026 ജനുവരി ഒന്ന്, വ്യാഴാഴ്ച ആയതിനാൽ, സ്വകാര്യ മേഖലയിലെ ഓഫിസുകൾ 2026 ജനുവരി 2, വെള്ളിയാഴ്ച വീണ്ടും തുറന്നുപ്രവർത്തിക്കും.

ALSO READ: ഷാർജയിൽ പുതുവത്സരാഘോഷത്തോടനുബന്ധിച്ച് പൊതുമേഖലാ ജീവനക്കാർക്ക് നാല് ദിവസത്തെ അവധി പ്രഖ്യാപിച്ചു

പൊതു മേഖല അവധി

പൊതു മേഖലയിലെ ജീവനക്കാർക്കും 2026 ജനുവരി 1 (വ്യാഴാഴ്ച) അവധിയായിരിക്കുമെന്ന് ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സസ് (FAHR) നേരത്തെ അറിയിച്ചിരുന്നു.

അതേസമയം, 2026 ജനുവരി 2, വെള്ളിയാഴ്ച, പൊതു മേഖലാ ജീവനക്കാർക്ക് റിമോട്ട് വർക്ക് (വർക്ക് ഫ്രം ഹോം) ആയിരിക്കും. എന്നാൽ, ജോലിയുടെ സ്വഭാവമനുസരിച്ച് ഓഫിസിൽ ഹാജരാകേണ്ട ജീവനക്കാർക്ക് ഇത് ബാധകമല്ല.

The Ministry of Human Resources and Emiratisation (MoHRE) has declared January 1, 2026, a public holiday for all private sector employees in the UAE, aligning with the UAE Cabinet's approved holiday schedule.