തിരുവനന്തപുരം: തിരുവനന്തപുരം കോര്‍പ്പറേഷനില്‍ എ.കെ.ജി സെന്റര്‍ സ്ഥിതി ചെയ്യുന്ന കുന്നുകുഴി വാര്‍ഡില്‍ എല്‍.ഡി.എഫിന് ഞെട്ടിക്കുന്ന തോല്‍വി. എല്‍.ഡി.എഫിന്റെ സ്റ്റാര്‍ സ്ഥാനാര്‍ഥിയും മുന്‍ ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാനുമായ ഐ.പി ബിനുവാണ് തോറ്റത്. 

യു.ഡി.എഫിന്റെ മേരി പുഷ്പമാണ് വിജയിച്ചത്. 657 വോട്ടിന്റെ ഭൂരിപക്ഷത്തിനാണ് ഇവര്‍ ഇവിടെ ജയിച്ചത്.

ജനകീയനായ നേതാവായ ബിനു തോറ്റത് എല്‍.ഡി.എഫിന് വന്‍ തിരിച്ചടിയാണ്. കഴിഞ്ഞ തവണയും ഈ വാര്‍ഡില്‍ മേരിയായിരുന്നു വിജയിച്ചത്. ഇത്തവണ സീറ്റ് പിടിച്ചെടുക്കാമെന്ന എല്‍ഡിഎഫ് മോഹമാണ് തകര്‍ന്നടിഞ്ഞത്.

സംസ്ഥാന കമ്മിറ്റി ഓഫിസായ പുതിയ എ.കെ.ജി സെന്റര്‍ പാളയം വാര്‍ഡിലാണ് സ്ഥിതി ചെയ്യുന്നത്. ഇവിടെയും സി.പി.എം തോറ്റു. കോണ്‍ഗ്രസിലെ ഷേര്‍ളി എസ്. ആണ് ഇവിടെ വിജയിച്ചത്.