തിരുവനന്തപുരം: മൂന്നാം പിണറായി സര്‍ക്കാരെന്ന എല്‍.ഡി.എഫ് സ്വപ്‌നങ്ങളില്‍ കരിനിഴല്‍ വീഴ്ത്തി തദ്ദേശ തെരഞ്ഞെടുപ്പ് ഫലം. നാടും നഗരവും ഇടതുപക്ഷത്തെ കൈവിട്ടപ്പോള്‍ മിന്നുന്ന വിജയമാണ് യു.ഡി.എഫിന് നേടാനായത്. ഇളകാത്ത ഇടതുകോട്ടകള്‍ പലതും തകര്‍ന്നടിഞ്ഞു. ചരിത്രത്തിലാദ്യമായി കൊല്ലം കോര്‍പറേഷനില്‍ തോല്‍വി സംഭവിച്ചു. തിരുവനന്തപുരത്തും സ്ഥിതി സമാനമായിരുന്നു. തൃശൂരിലും ഭരണം നഷ്ടമായപ്പോള്‍ ആകെ പ്രതീക്ഷയുണ്ടായത് കോഴിക്കോട് കോര്‍പറേഷനില്‍ മാത്രമാണ്. മേയര്‍ സ്ഥാനാര്‍ഥികളായി പരിഗണിച്ച പലരും തോല്‍വി ഏറ്റുവാങ്ങിയതും എല്‍.ഡി.എഫിന് തിരിച്ചടിയുണ്ടാക്കി. 

ഭരണനേട്ടങ്ങള്‍ ഊന്നിയായിരുന്നു എല്‍.ഡി.എഫിന്റെ പ്രചാരണം. പെന്‍ഷന്‍ വര്‍ധവും സ്ത്രീ സുരക്ഷാ പെന്‍ഷനും പ്രചാരണായുധമാക്കി. രാഹുല്‍ മാങ്കൂട്ടത്തില്‍ വിഷയം പ്രചാരണായുധമാക്കിയെങ്കിലും ശബരിമല സ്വര്‍ണപ്പാളി വിവാദമുയര്‍ത്തി കോണ്‍ഗ്രസിന്റെ ചെറുത്തുനില്‍പ് ഫലം കണ്ടുവെന്നുവേണം കരുതാന്‍. 

വെല്‍ഫെയര്‍-യു.ഡി.എഫ് ബാന്ധവമെന്ന ആരോപണവും വിലപ്പോയില്ല. ജോസ് കെ മാണിയുടെ സാമീപ്യവും മധ്യകേരളത്തില്‍ നേട്ടമുണ്ടാക്കാന്‍ എല്‍.ഡി.എഫിനായില്ല. സ്ത്രീ പ്രവേശനത്തിന്റെ കളങ്കം മായ്ക്കാന്‍ ശബരിമലയില്‍ ആഗോള അയ്യപ്പസംഗമം സംഘടിപ്പിച്ച് എന്‍.എസ്.എസിനെ അടക്കം അടുപ്പിച്ചെങ്കിലും ശബരിമല സ്വര്‍ണക്കൊള്ള വിവാദം തിരിച്ചടിച്ചു. 

ALSO READ: ശബരിമല വിവാദം വോട്ടായില്ല; പന്തളത്ത് തകര്‍ന്നടിഞ്ഞ് ബിജെപി; ഭരണം കൈവിട്ടു; മുനിസിപ്പാലിറ്റി എൽഡിഎഫ് പിടിച്ചെടുത്തു

അതേസമയം, ത്രിതല പഞ്ചായത്തുകളിലും നഗരസഭകളിലും കോര്‍പറേഷനുകളിലും യു.ഡി.എഫിന്റെ മുന്‍തൂക്കമാണ് കാണുന്നത്. കഴിഞ്ഞ തവണ എല്‍.ഡി.എഫ് തൂത്തുവാരിയ പലയിടത്തും ഇത്തവണ യു.ഡി.എഫ് തിരിച്ചുവന്നു. ശബരിമല സ്വര്‍ണക്കൊള്ള, ഭരണപരാജയം, പി.എം ശ്രീ എന്നിവ മുന്‍നിര്‍ത്തിയായിരുന്നു യു.ഡി.എഫ് ഇത്തവണ പ്രചാരണം. തദ്ദേശ സ്ഥാപനങ്ങളിലെ വിവിധ സേവനങ്ങളുടെ ഫീസ് വര്‍ധന, വിലക്കയറ്റം തുടങ്ങിയവും യു.ഡി.എഫ് പ്രചാരണായുധമാക്കി. 

ഏപ്രില്‍, മെയ് മാസങ്ങളില്‍ നടക്കാനിരിക്കുന്ന നിയമസഭാ തെരഞ്ഞെടുപ്പ് മുന്നില്‍ക്കണ്ട് കടുത്ത പോരാട്ടമാണ് മുന്നണികള്‍ കാഴ്ചവച്ചത്. 

രണ്ട് ജില്ലാപഞ്ചായത്തുകളില്‍ മാത്രമാണ് യു.ഡി.എഫിന് കഴിഞ്ഞതവണ ഭൂരിപക്ഷം നേടാനായത്. ഇത്തവണ വ്യക്തമായി തന്നെ തിരിച്ചുവരാന്‍ യു.ഡി.എഫിനായി. 

തുല്യസീറ്റ് നേടി വയനാട്ടില്‍ നറുക്കെടുപ്പിലൂടെ യു.ഡി.എഫ് അധികാരത്തിലെത്തിയപ്പോള്‍ ജില്ലാപഞ്ചായത്തുകള്‍ മൂന്നായി. കാസര്‍കോട്ട് നേരിയ സീറ്റ് വ്യത്യാസത്തില്‍ ഭരണം നഷ്ടമായിരുന്നു.  അതേസമയം, കഴിഞ്ഞതവണ 11 ജില്ലകളില്‍ നേടിയ അധിപത്യം അരക്കിട്ടുറപ്പിക്കാനുള്ള എല്‍.ഡി.എഫ് ശ്രമം പാളുന്ന കാഴ്ച്ചയാണ് കണ്ടത്.

കഴിഞ്ഞതവണ കോര്‍പറേഷനുകളില്‍ ഒന്നൊഴികെ അഞ്ചും ഇടതുമുന്നണിക്കായിരുന്നു. മുനിസിപ്പാലിറ്റികളില്‍ മാത്രമാണ് ഇടത്-വലത് മുന്നണികളില്‍ ഏകദേശ തുല്യ പ്രാതിനിധ്യമുണ്ടായിരുന്നത്. ബ്ലോക്ക്, ഗ്രാമപഞ്ചായത്തുകളിലെല്ലാം ഇടത് ആധിപത്യമായിരുന്നു.

The results of the local body elections have delivered a major blow to the LDF’s ambition of forming a third Pinarayi Vijayan government, as the UDF emerged dominant across both rural and urban Kerala. Several long-standing Left strongholds collapsed, including a historic first-ever defeat for the LDF in the Kollam Corporation. Similar reversals were seen in Thiruvananthapuram and Thrissur, leaving Kozhikode as the only corporation where the LDF retained some hope. The defeat of several mayoral aspirants further compounded the setback for the ruling front.