ന്യൂഡല്‍ഹി: തദ്ദേശ തെരഞ്ഞെടുപ്പ് ഫലപ്രഖ്യാപനത്തിന്  പിന്നാലെ തിരുവനന്തപുരത്തിന് നന്ദി അറിയിച്ച് പ്രധാനമന്ത്രി നരേന്ദ്രമോദി. തിരുവനന്തപുരത്തെ ജനവിധി കേരള രാഷ്ട്രീയത്തിലെ ഒരു നിര്‍ണായക നിമിഷമാണെന്നും പ്രധാനമന്ത്രി എക്സില്‍ കുറിച്ചു. യു.ഡി.എഫിനെയും എല്‍.ഡി.എഫിനെയും കേരളം മടുത്തെന്നും മോദി പറഞ്ഞു.

''നന്ദി  തിരുവനന്തപുരം!

തിരുവനന്തപുരം കോര്‍പ്പറേഷനില്‍ ബിജെപി-എന്‍ഡിഎ സഖ്യത്തിന് ലഭിച്ച ഭൂരിപക്ഷം കേരള രാഷ്ട്രീയത്തിലെ ഒരു നിര്‍ണായക നിമിഷമാണ്.

സംസ്ഥാനത്തിന്റെ വികസന അഭിലാഷങ്ങള്‍ നിറവേറ്റാന്‍ നമ്മുടെ പാര്‍ട്ടിക്ക് മാത്രമേ കഴിയൂ എന്ന് ജനങ്ങള്‍ക്ക് ഉറപ്പുണ്ട്.

ഈ നഗരത്തിന്റെ വളര്‍ച്ചയ്ക്കായും ജനങ്ങളുടെ ജീവിതം എളുപ്പമാക്കുന്നതിനും വേണ്ടി പാര്‍ട്ടി പ്രവര്‍ത്തിക്കും''- മോദി കുറിച്ചു. 

'തിരുവനന്തപുരം കോര്‍പ്പറേഷനില്‍ മികച്ച വിജയം നേടാന്‍  ജനങ്ങള്‍ക്കിടയില്‍ പ്രവര്‍ത്തിച്ച കഠിനാധ്വാനികളായ എല്ലാ  ബിജെപി പ്രവര്‍ത്തകര്‍ക്കും നന്ദി. ഇന്നത്തെ ഫലം യാഥാര്‍ഥ്യമാക്കാന്‍   വര്‍ഷങ്ങളായി അടിത്തട്ടില്‍ പ്രവര്‍ത്തിച്ച കേരളത്തിലെ പ്രവര്‍ത്തകരുടെ ദിവസമാണിന്ന്.  പാര്‍ട്ടി ചുമലവഹിക്കുന്നവരും പ്രവര്‍ത്തരുമാണ് നമ്മുടെ ശക്തി, അവരില്‍ അഭിമാനിക്കുന്നു!' - മോദി കുറിച്ചു.

'തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ ബിജെപി, എന്‍ഡിഎ സ്ഥാനാര്‍ത്ഥികള്‍ക്ക് വോട്ട് ചെയ്ത കേരളത്തിലുടനീളമുള്ള ജനങ്ങള്‍ക്ക് എന്റെ നന്ദി. കേരളം യുഡിഎഫിനെയും എല്‍ഡിഎഫിനെയും മടുത്തു. എല്ലാവര്‍ക്കും അവസരങ്ങളുള്ള ഒരു വികസിത കേരളം കെട്ടിപ്പടുക്കുന്നതിനും നല്ല ഭരണം നല്‍കുന്നതിനും എന്‍ഡിഎയെ മാത്രമേ അവര്‍ കാണുന്നുള്ളൂ'- എന്നും മോദി എക്‌സ് പോസ്റ്റില്‍ പറയുന്നു.

തിരുവനന്തപുരത്ത് ജയിച്ചതോടെ ചരിത്രത്തിലാദ്യമായാണ് എന്‍.ഡി.എ കേരളത്തില്‍ ഒരു കോര്‍പറേഷന്‍ സ്വന്തമാക്കുന്നത്. 

Prime Minister Narendra Modi has thanked the people of Thiruvananthapuram following the announcement of local body election results, describing the verdict as a “decisive moment in Kerala politics.” In a post on X, Modi said the BJP–NDA alliance’s majority in the Thiruvananthapuram Corporation reflects public fatigue with both the UDF and the LDF, and a growing confidence that only the NDA can fulfil Kerala’s development aspirations.