കോട്ടയം: കോട്ടയത്ത് രാഷ്‌ട്രീയ പാർട്ടികളുടെ ആഹ്ലാദ പ്രകടനത്തിനിടെയുണ്ടായ സംഘർഷം ദുരന്തത്തിൽ കലാശിച്ചു. സംഘർഷം പിടിച്ചുമാറ്റാനെത്തിയ ഒരാൾ കുഴഞ്ഞുവീണ് മരിച്ചു. പള്ളിക്കത്തോട് സ്വദേശി ജോൺ പി. തോമസ് (65) ആണ് മരിച്ചത്.

ALSO READ: റീകൗണ്ടിങ്ങിൽ അട്ടിമറി വിജയം; സി.പി.ഐ വിട്ട് കോൺഗ്രസിൽ ചേർന്ന ശ്രീനാദേവി കുഞ്ഞമ്മയ്ക്ക് മിന്നും ജയം

പള്ളിക്കത്തോട് കോൺഗ്രസ് - കേരള കോൺഗ്രസ് (എം) പ്രവർത്തകർ തമ്മിലായിരുന്നു സംഘർഷം. കേരള കോൺഗ്രസ് (എം) മണ്ഡലം പ്രസിഡന്റായ തന്റെ സഹോദരനുമായി പ്രവർത്തകർ ഏറ്റുമുട്ടുന്നത് കണ്ട്, അത് പിടിച്ചുമാറ്റാൻ ചെന്നപ്പോഴാണ് ജോൺ പി. തോമസ് കുഴഞ്ഞുവീണത്. ഉടൻ തന്നെ അദ്ദേഹത്തെ അടുത്തുള്ള സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ALSO READ: തദ്ദേശ തെരഞ്ഞെടുപ്പ്: സംസ്ഥാനത്തുടനീളം യു.ഡി.എഫിന് 'കൈ'യടി, എൽഡിഎഫിന് കനത്ത പ്രഹരം; ഇനി കണ്ണ് നിയമസഭയിലേക്ക്

മരിച്ച ജോൺ പി. തോമസ് ഹൃദയസംബന്ധമായ അസുഖങ്ങളെ തുടർന്ന് ചികിത്സയിലായിരുന്നതായി ബന്ധുക്കൾ അറിയിച്ചു. സംഭവവുമായി ബന്ധപ്പെട്ട് പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്. രാഷ്‌ട്രീയ സംഘർഷത്തെ തുടർന്നുണ്ടായ മരണം പ്രദേശത്ത് വലിയ ദുഃഖവും ആശങ്കയും സൃഷ്ടിച്ചിട്ടുണ്ട്.

kottayam: a man, identified as john p thomas, collapsed and died after intervening to break up a political clash between congress and kerala congress (m) workers during a victory rally in pallickathodu. the man, who was reportedly under treatment for heart ailments, was trying to separate his brother, a local kerala congress (m) president, from the scuffle. he was rushed to the hospital but could not be saved.