കണ്ണൂർ: തദ്ദേശ തെരഞ്ഞെടുപ്പിലെ തോൽവിക്ക് പിന്നാലെ കണ്ണൂരിൽ സിപിഎം പ്രവർത്തകരുടെ വടിവാൾ പ്രകടനം. പ്രകോപിതരായ സിപിഎം പ്രവർത്തകർ വടിവാൾ വീശിക്കൊണ്ട് ആളുകൾക്ക് നേരെ പാഞ്ഞടുക്കുകയായിരുന്നു. കണ്ണൂർ പാറാടാണ് സംഭവം നടന്നത്. അടുത്തുള്ള വീടുകളിലെ ചെടി ചട്ടികൾ നശിപ്പിക്കുകയും ഇവർ ആളുകളെ ഭീഷണി പെടുത്തുകയും ചെയ്തു. 

ALSO READ: പാലാ ആര് ഭരിക്കണം?; ജോസ് കെ മാണിയുടെ തട്ടകത്തിൽ ഇനി പുളിക്കക്കണ്ടം കുടുംബം 'കിംഗ് മേക്കർ'

അതേസമയം കഴിഞ്ഞ തവണ എൽ.ഡി.എഫ് തൂത്തുവാരിയ പലയിടത്തും ഇത്തവണ യു.ഡി.എഫ് തിരിച്ചുവന്നു. ശബരിമല സ്വർണക്കൊള്ള, ഭരണപരാജയം, പി.എം ശ്രീ എന്നിവ മുൻനിർത്തിയായിരുന്നു യു.ഡി.എഫ് ഇത്തവണ പ്രചാരണം. തദ്ദേശ സ്ഥാപനങ്ങളിലെ വിവിധ സേവനങ്ങളുടെ ഫീസ് വർധന, വിലക്കയറ്റം തുടങ്ങിയവും യു.ഡി.എഫ് പ്രചാരണായുധമാക്കി.

ALSO READ: തിരുവനന്തപുരത്തെ ബിജെപിയുടെ വിജയത്തെ പ്രശംസിച്ച് ശശി തരൂർ; കോൺഗ്രസ് എംപിയുടെ നിലപാട് യുഡിഎഫിന് പ്രഹരം

ഏപ്രിൽ, മെയ് മാസങ്ങളിൽ നടക്കാനിരിക്കുന്ന നിയമസഭാ തെരഞ്ഞെടുപ്പ് മുന്നിൽക്കണ്ട് കടുത്ത പോരാട്ടമാണ് മുന്നണികൾ കാഴ്ചവച്ചത്. രണ്ട് ജില്ലാപഞ്ചായത്തുകളിൽ മാത്രമാണ് യു.ഡി.എഫിന് കഴിഞ്ഞതവണ ഭൂരിപക്ഷം നേടാനായത്. ഇത്തവണ വ്യക്തമായി തന്നെ തിരിച്ചുവരാൻ യു.ഡി.എഫിനായി.