മലപ്പുറം: തദ്ദേശ തെരഞ്ഞെടുപ്പ് വിജയത്തിൽ പടക്കം പൊട്ടിത്തെറിച്ച് യുവാവ് മരിച്ചു. മലപ്പുറം കൊണ്ടോട്ടി പെരിയമ്പലം സ്വദേശി ഇർഷാദ്(27) ആണ് മരിച്ചത്. വൈകിട്ട് 6.45നാണ് അപകടമുണ്ടായത്. ചെറുകാവ് പഞ്ചായത്തിലെ ഒമ്പതാം വാർഡ് പെരിയമ്പലത്തിലെ ഇലക്ഷന്റെ വിജയ ആഹ്ലാദത്തിനിടെയാണ് അപകടം നടന്നത്.

ALSO READ: വിദ്വേഷ പ്രസ്താവനകൾ തിരിച്ചടിച്ചു: ഹിജാബ് ധരിച്ചതിന് വിദ്യാർഥിനിയെ പുറത്താക്കിയ സെന്റ് റീത്താസ് മുൻ പി.ടി.എ പ്രസിഡന്റ് ജോഷി കൈതവളപ്പിലിന് ദയനീയ പരാജയം

സ്കൂട്ടറിന്റെ മുന്നിലുള്ള പടക്കം മറ്റുള്ളവർക്ക് വിതരണം ചെയ്തുകൊണ്ട് പോവുകയായിരുന്നു ഇർഷാദ്. ഇതിന്റെ ഇടയിൽ അടുത്ത് നിന്നും പൊട്ടിക്കുകയായിരുന്ന പടക്കത്തിലെ തീപ്പൊരി സ്കൂട്ടറിലെ പടക്കത്തിലേക്ക് തെറിക്കുകയായിരുന്നു. തുടർന്ന് പടക്കം ഒന്നാകെ പൊട്ടിയാണ് മരണം.