കോഴിക്കോട്: സൂപ്പർ ലീഗ് കേരളയുടെ ഫൈനലിലേക്ക് കണ്ണൂർ വാരിയേഴ്‌സ് എഫ്‌സി. സെമി ഫൈനലിൽ നിലവിലെ ചാമ്പ്യന്മാരായ കാലിക്കറ്റ് എഫ്‌സിയെ ഏകപക്ഷീയമായ ഒരു ഗോളിന് പരാജയപ്പെടുത്തിയാണ് കണ്ണൂർ ഫൈനലിലേക്ക് യോഗ്യത നേടിയത്. കാലിക്കറ്റിന്റെ തട്ടകമായ കോഴിക്കോട് ഇഎംഎസ് കോർപ്പറേഷൻ സ്റ്റേഡിയത്തിൽ നടന്ന മത്സരത്തിൽ രണ്ടാം പകുതിയിലാണ് കണ്ണൂരിന്റെ വിജയഗോൾ പിറന്നത്.

കണ്ണൂരിന് അനുകൂലമായി ലഭിച്ച പെനാൽറ്റി കൃത്യമായി ലക്ഷ്യത്തിലെത്തിച്ചുകൊണ്ട് മുഹമ്മദ് സിനാനാണ് ടീമിനായി ഗോൾ സ്കോർ ചെയ്തത്. മത്സരത്തിന്റെ 71ാം മിനിറ്റിൽ കണ്ണൂർ താരം എസിയർ ഗോമസിനെ ബോക്സിനുള്ളിൽ വീഴ്ത്തിയതിനാണ് കണ്ണൂരിന് അനുകൂലമായി പെനാൽറ്റി ലഭിച്ചത്. പെനാൽറ്റി കൃത്യമായി സിനാൻ ലക്ഷ്യത്തിൽ എത്തിക്കുകയായിരുന്നു. കാലിക്കറ്റ് ഗോൾകീപ്പർ ഹജ്മലിന്റെ കൈകളിൽ തട്ടിയാണ് പന്ത് പോസ്റ്റിനുള്ളിലേക്ക് കയറിയത്. കണ്ണൂരിനായി ഈ സീസണിൽ സിനാൻ നേടുന്ന നാലാമത്തെ ഗോൾ ആയിരുന്നു ഇത്. 

രണ്ടാം സെമിഫൈനൽ പോരാട്ടം നാളെയാണ് നടക്കുന്നത്. തൃശ്ശൂർ മാജിക് എഫ്സിയും മലപ്പുറം എഫ്സിയുമാണ് രണ്ടാം സെമിഫൈനലിൽ ഏറ്റുമുട്ടുന്നത്. തൃശ്ശൂരിന്റെ തട്ടകമായ തൃശ്ശൂർ കോർപ്പറേഷൻ സ്റ്റേഡിയത്തിലാണ് മത്സരം നടക്കുന്നത്. ഡിസംബർ 19നാണ് ടൂർണമെന്റിന്റെ കലാശ പോരാട്ടം നടക്കുന്നത്. കണ്ണൂർ മുൻസിപ്പൽ സ്റ്റേഡിയമാണ് വേദി. 

Kannur Warriors FC qualified for the final of the Super League Kerala. Kannur qualified for the final by defeating the defending champions Calicut FC by a one-sided goal in the semi-finals. Kannur's winning goal came in the second half of the match held at the EMS Corporation Stadium in Kozhikode, Calicut's home ground.