കോഴിക്കോട്: തദ്ദേശ തെരഞ്ഞെടുപ്പ് ഫലം വന്നതിന് പിന്നാലെ സംസ്ഥാനമൊട്ടുക്ക് അക്രമം അഴിട്ടു വിട്ടിരിക്കുകയാണ് സി.പി.എം. വീടുകള്‍ കയറിയിറങ്ങി ഭീഷണി മുഴക്കിയും ജയിച്ച സ്ഥാനാര്‍ഥികള്‍ക്കും കൂടെ നിന്നവര്‍ക്കും നേരെ അക്രമം അഴിച്ചുവിട്ടും സംസ്ഥാനത്ത് സംഘര്‍ഷാവസ്ഥ സൃഷ്ടിച്ചിരിക്കുകയാണ് പാര്‍ട്ടി  പ്രവര്‍ത്തകര്‍. പലവിധത്തിലുള്ള കൊലവിളികളും അതിനിടയില്‍ ഉണ്ടാവുന്നുണ്ട്. 

സി.പി.എം ഏരിയ കമ്മിറ്റി അംഗത്തിന്റെ കൊലവിളി പ്രസംഗവുമാണ് അവസാനം പുറത്തു വന്നതില്‍ അവസാനത്തേത്. സി.പി.എം ബേപ്പൂര്‍ ഏരിയ കമ്മിറ്റി അംഗം സമീഷാണ് കൊലവിളി നടത്തിയത്. 'ഞങ്ങള്‍ക്ക് അരിവാള് കൊണ്ടും ചില പണികളൊക്കെ അറിയാം' എന്നാണ് സമീഷിന്റെ വെല്ലുവിളി. കോഴിക്കോട് ഫറോക്ക് മുനിസിപ്പാലിറ്റി 39ാം വാര്‍ഡിലായിരുന്നു സംഭവം.

ALSO READ: എന്തുകൊണ്ട് തോറ്റു? കാരണം തേടി സി.പി.എമ്മും സി.പി.ഐയും; സി.പി.എം സെക്രട്ടേറിയറ്റും സി.പി.ഐ നേതൃയോഗവും ഇന്ന്

പ്രകോപനം തുടര്‍ന്നാല്‍ വീട്ടില്‍ കയറി നിരങ്ങുമെന്നും ഇയാള്‍ ഭീഷണി ഉയര്‍ത്തുന്നു. ഇറങ്ങിയാല്‍ മുസ്‌ലിം ലീഗ് പിറ്റേദിവസം കരിദിനം ആചരിക്കേണ്ടിവരും തുടങ്ങിയ തുടങ്ങിയ പരാമര്‍ശങ്ങളും പ്രസംഗത്തില്‍ ഉണ്ടായിരുന്നു.

''ചെറുവിരലനക്കിയാല്‍ നിങ്ങളുടെ വീട്ടില്‍ കയറി നിരങ്ങും. ആ ഒരവസ്ഥ നിങ്ങളിവിടെ ഉണ്ടാക്കരുത്. ഇവിടെ ലീഗിന്റെ പൊന്നാപുരം കോട്ടകളൊക്കെ തന്നെ സി.പി.എമ്മും എല്‍.ഡി.എഫും ജയിച്ചു മുന്നേറിയിട്ടുണ്ട്. ആ കാലത്തൊന്നും ആ പ്രദേശത്തൊന്നും ഒരു കുഴപ്പവും അനിഷ്ട സംഭവങ്ങളൊന്നും ഉണ്ടായിട്ടില്ല. ജനാധിപത്യപരമായി തെരഞ്ഞെടുപ്പ് നടക്കും. വോട്ട് അധികം കിട്ടിയവര്‍ ജയിക്കും.

അതിന് അക്രമത്തിന്റെ പാത സ്വീകരിച്ചാല്‍ അത് ഞങ്ങള്‍ തടയും. ഞങ്ങളുടെ സഖാക്കള്‍ ഉശിരാര്‍ന്ന പ്രവര്‍ത്തനം ഇന്ന് മുതല്‍ ഇവിടെ സംഘടിപ്പിക്കും. ആ പ്രവര്‍ത്തനത്തില്‍ ഏതെങ്കിലും തരത്തില്‍ തടസം സൃഷ്ടിക്കാന്‍ നോക്കിയാല്‍ നിങ്ങള് നാല് വാര്‍ഡ് ജയിച്ചതുകൊണ്ട് സിപിഎമ്മുകാരുടെ കൊടി മടക്കിയിരിക്കണമെന്ന് തീട്ടുരമിറക്കാന്‍ നീ ആരാണെടാ ലീഗേ...ആരാണ്ടാ ലീഗേ...ഈ മൂരി ലീഗിനെ ഈ മണ്ണില്‍ തന്നെ ഞങ്ങള്‍ മുട്ടുകുത്തിക്കും'' എന്നും പ്രസംഗത്തില്‍ ഭീ,ണി മുഴക്കുന്നു.

മുസ്‌ലിംലീഗിന്റെ വിജയാഹ്‌ളാദ പ്രകടനത്തിനിടെ പടക്കം പൊട്ടിച്ചതും ആയി ബന്ധപ്പെട്ട് സംഘര്‍ഷം ഉണ്ടായിരുന്നു. ഇതില്‍ പ്രതിഷേധിച്ച് നടത്തിയ സി.പി.എം പ്രകടനത്തിനിടെയാണ് പ്രകോപനപരമായ പ്രസംഗം. ഫറോക്ക് മുനിസിപ്പാലിറ്റിയില്‍ നാലു വാര്‍ഡുകളാണ് സി.പി.എമ്മില്‍ നിന്ന് ലീഗ് പിടിച്ചെടുത്തത്. 

following local body election results in kozhikode, violence and threats have been reported across kerala. a cpim area committee member allegedly issued a provocative and violent speech during a protest in farook municipality.