കുശാല്‍നഗര്‍: ടൗണിലെ  ഓട്ടോഡ്രൈവറെ മൂന്നംഗ സംഘം വെട്ടി പരുക്കേല്‍പ്പിച്ചു. കുശാല്‍നഗറിലെ  ഗന്ദതക്കോട്ടേ നിവാസി മുഹമ്മദ്(56)നാണ് കഴിഞ്ഞ ദിവസം രാത്രി എട്ടോടെ വെട്ടേറ്റത്.
ഓട്ടോ വാടകക്ക് വിളിച്ചു കൊണ്ടുപോയ ശേഷമാണ് ആക്രമണം.  ഓട്ടോ ചിക്കത്തൂറു ഗ്രാമത്തില്‍ എത്തിയപ്പോള്‍ പിറകില്‍ നിന്ന് അക്രമികള്‍ വെട്ടുകയായിരുന്നു. തുടര്‍ന്ന് മുഹമ്മദ് ഓടി തൊട്ടടുത്ത വീട്ടില്‍ അഭയം തേടി.
ഓട്ടോയുമായി കടന്ന് കളഞ്ഞ അക്രമികള്‍ വഴിയില്‍ വച്ച് രണ്ട് യാത്രക്കാരുടെ ദേഹത്ത് ഓട്ടോ ഇടിക്കുകയും ചെയ്തു. ഒടുവില്‍ നാട്ടുകാര്‍ സംഘടിച്ചെത്തിയപ്പോള്‍ സംഘം ഓട്ടോ ഉപേക്ഷിച്ചു രക്ഷപ്പെട്ടു. സംഭവത്തില്‍ എസ്.പി രാജേന്ദ്രപ്രസാദ് കുശാല്‍നഗര അന്വേഷണത്തിന് ഉത്തരവിട്ടു.  കഴിഞ്ഞ ഓഗസ്റ്റ് 14ന് കുശാല നഗറില്‍ ആര്‍.എസ്.എസ്. പ്രവര്‍ത്തകനായ പ്രവീണ്‍ പൂജാരി ഇതേ സ്ഥലത്തുവച്ച് കൊല്ലപ്പെട്ടിരുന്നു.