തലശ്ശേരി: സി.പി.എം- ബി.ജെ.പി സംഘര്‍ഷ സാധ്യതയുടെ പശ്ചാത്തലത്തില്‍ തലശ്ശേരി മേഖലയില്‍ ബോംബും ആയുധങ്ങളും കണ്ടെടുക്കാന്‍ പൊലിസ് വ്യാപകമായ റെയ്ഡ് നടത്തി. ഇന്നലെ രാവിലെ മുതലാണ് റെയ്ഡ് ആരംഭിച്ചത്. ഡോഗ് സ്‌ക്വാഡ്, ബോംബ് സ്‌ക്വാഡ് ഉള്‍പ്പെടെയുള്ള സംഘമാണ് പരിശോധന നടത്തിയത്.
തലശ്ശേരി, കതിരൂര്‍ പൊലിസ് സ്റ്റേഷന്‍ പരിധികളിലെ ചോനാടം, പൊന്ന്യം, കൊളശ്ശേരി, പാറാല്‍, എകരത്തെ പീടിക എന്നീ പ്രദേശങ്ങളിലാണ് പരിശോധനക്കിറങ്ങിയത്. ബൈപാസിന് സ്ഥലം ഏറ്റെടുത്തതിനു ശേഷം നിലവില്‍ കാടുമൂടിക്കിടക്കുന്ന ചോനാടം പ്രദേശത്തെ കുളങ്ങളും തകര്‍ന്ന കെട്ടിടങ്ങളിലും മറ്റും പരിശോധന നടത്തിയെങ്കിലും ഒന്നും കണ്ടെത്താനായില്ല. പരിശോധന വരും ദിവസങ്ങളിലും തുടരും.