ചെറുപുഴ: നിയന്ത്രണം വിട്ട കാര്‍ നിര്‍ത്തിയിട്ട ബൈക്കുകളില്‍ ഇടിച്ച് കടയിലേയ്ക്ക് പാഞ്ഞു കയറി. ഇന്നു രാവിലെ എട്ടിനായിരുന്നു സംഭവം. പാലാവയല്‍ ഭാഗത്തു നിന്നു വരികയായിരുന്ന കാര്‍ കോഴിച്ചാല്‍ ഭാഗത്തേയ്ക്ക് നിയന്ത്രണം വിട്ട് പായുകയായിരുന്നു. കാര്‍ അമിതവേഗത്തില്‍ വരുന്നതു കണ്ട് ആളുകള്‍ ഓടി മാറിയതിനാല്‍ അപകടം സംഭവിച്ചില്ല. റോഡരുകില്‍ നിര്‍ത്തിയിട്ടിരുന്ന മൂന്നു ബൈക്കുകളില്‍ ഇടിച്ച ശേഷം മൂന്നു കടകളുടെ വരാന്തയിലൂടെ കയറി കാര്‍ ഇടിച്ചു നില്‍ക്കുകയായിരുന്നു. പാലാവയല്‍ സ്വദേശിയും പുളിങ്ങോത്തെ വ്യാപാരിയുമായ നരിമറ്റത്തില്‍ ദേവസ്യയാണ് കാര്‍ ഓടിച്ചിരുന്നത്. അപകടത്തില്‍ ആര്‍ക്കും പരുക്കില്ല.