കണ്ണൂര്‍: 'രാഷ്ട്ര രക്ഷയ്ക്ക് സൗഹൃദത്തിന്റെ കരുതല്‍' എന്ന പ്രമേയത്തില്‍ റിപ്പബ്ലിക്ക് ദിനത്തില്‍ നടക്കുന്ന മനുഷ്യജാലിക അഞ്ചരക്കണ്ടി മേഖലയിലെ ചക്കരക്കല്ലില്‍ നടക്കും. വിവിധ മത-രാഷ്ട്രീയ-സാമൂഹിക-സംസ്‌കാരിക മേഖലയിലെ പ്രമുഖര്‍ പങ്കെടുക്കും. മനുഷ്യജാലികയുടെ പ്രചരണോദ്ഘാടനം മാടായി മേഖലയില്‍ നടക്കും. മനുഷ്യജാലികയുടെ ഭാഗമായി പതാക ദിനം, മെസേജ് ഡേ, വിവിധ മത്സരങ്ങള്‍, മതേതര സംഗമങ്ങള്‍, സെമിനാര്‍ സിമ്പോസിയങ്ങള്‍, ബൈക്ക്-സൈക്കിള്‍ റാലി, പ്രാഭതഭേരി, വാഹനപ്രചാരണ ജാഥ എന്നിവ ഉണ്ടാകുമെന്നു സലാം ദാരിമി കിണവക്കല്‍, ബഷീര്‍ അസ്അദി നമ്പ്രം, ഷഹീര്‍ പാപ്പിനിശ്ശേരി, ലത്തീഫ് പന്നിയൂര്‍, മഹറൂഫ് മട്ടന്നൂര്‍, ജുനൈദ് ചാലാട്, അബ്ദുല്‍ ഗഫൂര്‍ ബാഖവി, സിദ്ദീഖ് ഫൈസി വെണ്‍മണല്‍ എന്നിവര്‍ അറിയിച്ചു.