അടിമാലി : അടിമാലി ടൗണില്‍ ചുമട്ട് തൊഴിലാളിയായി പണിയെടുത്ത് കുടുംബം പുലര്‍ത്തിവന്നിരുന്ന ഇരുമ്പുപാലം ചില്ലിത്തോട് പട്ടമ്മാവുകുടി നിഷാദ് രോഗബാധിതനായി കോലഞ്ചേരി മെഡിക്കല്‍ കോളജില്‍ ചികിത്സതേടുകയും പരിശോധനയില്‍ രണ്ടുവ്യക്കകളും പ്രവര്‍ത്തന രഹിതമെണെന്ന് കണ്ടത്തുകയും ചെയ്തു.
വ്യക്ക മാറ്റിവയ്കല്‍ മാത്രമാണ് ഡോക്ടര്‍ നിര്‍ദ്ദേശിച്ചിട്ടുള്ളത്. നിര്‍ദ്ധന കുടുംബത്തില്‍പെട്ട നിഷാദിന് ശസ്ത്രക്രിയക്കുവരുന്ന ഭാരിച്ച സാമ്പത്തിക ചിലവ് കണ്ടെത്തുന്നതിന് യാതെരു മാര്‍ഗ്ഗവുമില്ലാത്ത സ്ഥിതിയാണ്.
വ്യക്ക മാറ്റിവയ്ക്കല്‍ ശസ്ത്രക്രിയക്കും തുടര്‍ചികിത്സക്കും 15 ലക്ഷം രൂപ ചെലവ് വരുും. നിഷാദ് ചുമടെടുത്ത് കിട്ടുന്ന തുഛമായ വരുമാനത്തില്‍ കഴിഞ്ഞിരുന്ന കുടുംബം കണ്ണീര്‍കയത്തിലായിരിക്കുന്നു.
ഈ സാഹചര്യത്തില്‍ നിഷാദിന്റെ ചികിത്സക്കാവശ്യമായ പണം സഹപ്രവര്‍ത്തകര്‍ സ്വരുക്കൂട്ടുകയാണ്. അവരുടെ കൂലി പണം 60,000 രൂപ സഹപ്രവര്‍ത്തകന് നല്‍കി . ഐഎന്‍ടിയുസി പ്രവര്‍ത്തകരാണ് സഹപ്രവര്‍കന്റെ ചികില്‍സ ചിലവിനുള്ള ആദ്യഘഡു തുക കണ്ടത്തിയത് . ഈ തുക മുന്‍ പഞ്ചായത്ത് പ്രസിഡന്റ് പി വി സ്‌ക്കറിയയ്ക്ക് കൈമറി. സി ഡി ഷാജി , ബാബു പി കുര്യക്കോസ് , കെ എം ഷാജി എന്നിവര്‍ പങ്കെടുത്തു.