കുറ്റ്യാടി: ഓണം, പെരുന്നാള്‍ ആഘോഷങ്ങള്‍ അടുത്തതോടെ കുറ്റ്യാടി ടൗണ്‍ ജനത്തിരക്കിലും ഗതാഗത കുരുക്കിലും വീര്‍പ്പുമുട്ടുന്നു. ആഘോഷങ്ങള്‍ക്കു കൊഴുപ്പുകൂട്ടാനായി വന്‍ ജനക്കൂട്ടമാണ് ടൗണിലെ വ്യാപാര കേന്ദ്രങ്ങളിലെത്തുന്നത്.
ആഘോഷവേളകളില്‍ മരുതോങ്കര, കാവിലുംപാറ, കായക്കൊടി, വേളം പഞ്ചായത്തുകാരെല്ലാം ഭക്ഷണ, വസ്ത്ര സാധനങ്ങള്‍ വാങ്ങാന്‍ പ്രധാനമായും കുറ്റ്യാടിയെയാണ് ആശ്രയിക്കുന്നത്. ഇതിനു പുറമെ, ടൗണില്‍ കൃഷിഭവന്റെയും കുടുംബശ്രീയുടെയും ഓണം, ബക്രീദ് വിപണികളും സജീവമായിട്ടുണ്ട്. ഉത്സവ സീസണില്‍ വലിയ തോതില്‍ കച്ചവടം പിടിക്കാന്‍ വ്യാപാരികള്‍ ആകര്‍ഷകമായ ഓഫറുകളും സമ്മാനങ്ങളും ഒരുക്കിയതോടെ തുണിക്കടകളിലും ഇലക്‌ട്രോണിക്‌സ്, മൊബൈല്‍ ഷോപ്പുകളിലും വന്‍തിരക്കാണു കഴിഞ്ഞ ദിവസങ്ങളില്‍ അനുഭവപ്പെട്ടത്.