കൊച്ചി: ഓണാഘോഷത്തിന്റെ ഭാഗമായി കുടുംബശ്രീ ഓണച്ചന്തകള്‍ 19 വരെ ഉണ്ടായിരിക്കും. ജില്ലയില്‍ 102 ഓണച്ചന്തകളാണുള്ളത്. ഈവര്‍ഷം 10 കോടിയലധികം രൂപയുടെ വിറ്റുവരാണു പ്രതീക്ഷിക്കുന്നത്. കുടുംബശ്രീ യൂണിറ്റുകള്‍, സി ഡി എസ്, തദ്ദേശസ്വയംഭരണ സ്ഥാപനങ്ങള്‍ എന്നിവയുടെ സഹകരണത്തോടെയാണ് മേളകള്‍ സംഘടിപ്പിക്കുന്നത്.
ഭക്ഷ്യോത്പന്നങ്ങള്‍, വസ്ത്രങ്ങള്‍, ആഭരണങ്ങള്‍, കാര്‍ഷിക ഉത്പന്നങ്ങള്‍ തുടങ്ങി എല്ലാവിധ സാധനങ്ങളും ഈ ചന്തകളില്‍ ലഭിക്കും. ഓണച്ചന്തകളോടനുബന്ധിച്ച് നാളെ രാവിലെ 11ന് 101 പേരുടെ കൈകൊട്ടിക്കളി ഉണ്ടായിരിക്കുമെന്ന് ജില്ലാ കോ ഓര്‍ഡിനേറ്റര്‍ അറിയിച്ചു.