കൊച്ചി: തുടര്‍ച്ചയായി ആറാം ദിനവും റെക്കോര്‍ഡിട്ട് സ്വര്‍ണവിലയില്‍  കുതിപ്പ്. ഇന്ന് (26-12-2025) ഗ്രാമിന് 70 രൂപയും കൂടി പവന് 560 രൂപയുമാണ് കൂടിയത്. ഇതോടെ വീണ്ടുമൊരു സര്‍വ്വകാല റെക്കോര്‍ഡിട്ടിരിക്കുകയാണ് സ്വര്‍ണം. ഗ്രാമിന് 12,765 രൂപയും പവന് 1,02,120 രൂപയുമായിരുന്നു ക്രിസ്മസ് ദിനത്തിലെ സ്വര്‍ണവില. ഗ്രാമിന് 30 രൂപയും പവന് 240 രൂപയുമാണ് കൂടിയത്. 

ഇന്നത്തെ വില

ഇന്ന്  22 കാരറ്റ് ഗ്രാമിന് 70 രൂപ കൂടി 12,835 ഉം പവന് 560 കൂടി 1,02,680 രൂപയുമാണ് വില. എക്കാലത്തെയും ഏറ്റവും ഉയര്‍ന്ന വിലയാണിത്.

24 കാരറ്റ് 
ഗ്രാമിന് 77 രൂപ കൂടി 14,002
പവന് 616 രൂപ കൂടി 1,12,026

22 കാരറ്റ്
ഗ്രാമിന് 70 രൂപ കൂടി 12,835
പവന് 560 രൂപ കൂടി 1,02,680

18 കാരറ്റ്
ഗ്രാമിന് 58 രൂപ കൂടി 10,502
പവന് 464 രൂപ കൂടി 84,016

ALSO READ: സ്വര്‍ണക്കുതിപ്പിന് പിന്നില്‍...

വെള്ളി വിലയും റെക്കോഡുകള്‍ ഭേദിച്ച് കുതിക്കുകയാണ്. ഇന്നത്തെ വില ഗ്രാമിന് 10 രൂപ കൂടി 240 രൂപയാണ്.

ആഗോള വിപണിയില്‍ സ്വര്‍ണത്തിന് ട്രോയ് ഔണ്‍സിന് 4500 ഡോളര്‍ കടന്നു. 4,505.55 ഡോളറാണ് ഇന്നത്തെ വില. 26.02 ഡോളറാണ് ഇന്ന് കൂടിയത്. 0.58 ശതമാനമാണ് വര്‍ധന. ആഗോളവിപണിയില്‍ ഈ വര്‍ഷം മാത്രം 70.83 ശതമാനം വര്‍ധനവാണ് സ്വര്‍ണത്തിനുണ്ടായത്.

ALSO READ: പത്തു വര്‍ഷത്തിനിടെ കൂടിയത് 80,000ത്തിലേറെ; സ്വര്‍ണക്കുതിപ്പിന്റെ വഴിയറിയാം

ആഗോള രാഷ്ട്രീയസംഘര്‍ഷങ്ങളാണ് വിലക്കുതിപ്പിന് ഒരു കാരണം. യു.എസ് കേന്ദ്രബാങ്ക് പലിശനിരക്ക് കുറച്ചതും വിവിധ രാജ്യങ്ങളിലെ കേന്ദ്രബാങ്കുകള്‍ കൂട്ടത്തോടെ സ്വര്‍ണം വാങ്ങി കൂട്ടുന്നതും വിപണിയില്‍ വില ഉയരുന്നതിന് ഇടയാക്കി. യു.എസ് ഗോള്‍ഡ് ഫ്യൂച്ചര്‍ നിരക്കും ഉയര്‍ന്ന് തന്നെയാണുള്ളത്.  യു.എസ് ഗോള്‍ഡ് ഫ്യൂച്ചര്‍ 4,535.30 ഡോളറായി. 32.50 ഡോളറാണ് ഇന്ന് കൂടിയത്.

gold prices continued their upward trend for the sixth consecutive day, with the price of one pavan increasing by 560, signalling strong market momentum.